اننت ناگ کے شول بٹینگو علاقے میں قائم سرکاری اسکول میں اساتذہ کے درمیان ہوئی جھڑپ کی ویڈیو سوشل میڈیا پر ویڈیو وائرل ہو رہی ہے۔ چند روز قبل شول بٹینگلو علاقے میں قائم گورنمنٹ مڈل اسکول Government Middle School میں اساتذہ کے درمیان ہوئی لڑائی کافی دیر تک جاری رہی، جس کے بعد مقامی لوگوں نے مداخلت کی اور اس معاملہ کو رفع دفع کیا۔
اننت ناگ کے گورنمنٹ مڈل اسکول سے دو ٹیچرزمعطل
اس دوران ٹیچرز کی اس لڑائی کا ویڈیو سوشل میڈیا پر وائرل ہوا، جس کو دیکھ کر مقامی آبادی اور اسکول میں زیر تعلیم بچوں کے والدین نے اس معاملے کو ضلع انتظامیہ کی نوٹس میں لایا اور کارروائی کی اپیل کی۔ جب کہ محکمۂ تعلیم نے ویڈیو اور واقعہ کا سنگین نوٹس لیتے ہوئے اساتذہ کے خلاف کارروائی کی ہے اور انہیں معطل کر دیا گیا۔ اس سلسلے میں محکمہ نے کمیٹی تشکیل دیتے ہوئے تحقیقات شروع کر دی ہے۔
