جموں و کشمیر لبریشن فرنٹ کے سربراہ یاسین ملک، جو گذشتہ 22 جولائی سے تہاڑ جیل میں بھوک ہڑتال پر تھے نے آج اپنی بھوک ہڑتال ختم کردی۔ انہیں جیل حکام کی جانب سے یہ تیقن دیا گیا کہ ان کے تمام مطالبات کو سینئر حکام تک پہنچایا جائے گا اور اس پر ہمدردانہ غور کیا جائے گا۔
جے کے ایل ایف کے سربراہ کو گذشتہ جمعہ کے روز رام منوہر لوہیا ہسپتال سے ڈسچارج کرکے واپس تہاڑ جیل منتقل کیا گیا تھا جبکہ قبل ازیں ان کی طبیعت بگڑنے کے بعد 27 جولائی کو انہیں جیل سے ہسپتال منتقل کیا گیا تھا۔ یاسین ملک نے 22 جولائی کو بھوک ہڑتال کا آغاز کیا تھا۔
جموں و کشمیر لبریشن فرنٹ کے سربراہ اور کشمیر کے علحیدگی پسند رہنما یاسین ملِک نے الزام عائد کیا ہے کہ ان کے کیس کی تحقیقات ٹھیک طریقے سے نہیں ہو رہی ہے۔
حکام کے مطابق، یاسین ملک نے جیل کے ڈی جی سندیپ گوئل کی جانب سے کی گئی درخواست کے بعد اپنی بھوک ہڑتال کو دو ماہ کے لیے موخر کردیا۔
دہلی کی تہاڑ جیل میں عمر قید کی سزا کاٹ رہے یاسین ملک گذشتہ 11 روز سے بھوک ہڑتال پر تھے۔ جمعہ کی صبح سے بھوک ہڑتال پر تھے۔
واضح رہے کہ ٹیرر فنڈنگ معاملے میں قصوروار ٹھہرائے جانے کے بعد، نیشنل انویسٹی گیشن ایجنسی (این آئی اے) کی ایک خصوصی عدالت نے گزشتہ 25 مئی کو یاسین ملک کو دو مقدمات میں عمر قید کی سزا کے علاوہ 10 لاکھ روپے جرمانے کی سزا سنائی ہے۔
