اسلامک نقطہ نظر سے شعبان کا مہینہ بڑے اہمیت کا حامل ہے۔ ماہ شعبان کی فضیلت قرآن و حدیث سے ثابت ہے۔ اس ماہ میں ایک ایسی رات ہے جس میں عبادت کرنے اور گناہوں سے توبہ استغفار سے اللہ رب العزت بندوں کے گناہوں کو معاف کرتا ہے اور رزق میں وسعت دیتا ہے۔ اس رات کو شب برات کہا جاتا ہے۔
شب برات کی اہمیت و فضیلت پر اللہ کے رسول نے ارشاد فرمایا کہ شب برات کے موقع پر عبادت کرنے والے شخص کے گناہوں کی معافی ہوتی ہے۔ اگرچہ اس کے گناہ بنو کلب کی بکریوں کے بال سے بھی زیادہ ہوں۔ حدیث شریف میں بکریوں کے بال کا ذکر ہے جس کا مقصد واضح طور کثرت بیان کرنا ہے کہ گناہوں کی تعداد اگرچہ بہت ہو لیکن اگر شب برات میں عبادت کرتا ہے تو اس کی عبادت نہ صرف قبول ہوتی ہے بلکہ گناہوں سے بھی نجات ملتی ہے۔ احادیث میں ہے کہ حضرت محمد صلی اللہ علیہ وسلم اس مہینے میں کثرت سے روزے رکھا کرتے تھے۔
اس رات میں صلوۃ التسبیح پڑھنے کا اہتمام کرنا چاہیے۔ جن لوگوں کی فرض نمازیں قضا ہیں وہ نفل نماز کی جگہ فرض نماز کی نیت کر کے پوری رات نفل نماز کے بجائے فرض نماز ادا کرنے کو ترجیح دے اور اللہ سے اپنے گناہوں کی معافی مانگے۔
شب برا ت میں یا قبرستان جانا بھی حدیث شریف سے ثابت ہے۔ ام المؤمنین حضرت عائشہ صدیقہ رضی اللہ عنہا سے منقول ہے: حضور نبی اکرم صلی اللہ علیہ وآلہ وسلم رات کے کسی حصے میں اچانک ان کے پاس سے اٹھ کر کہیں تشریف لے گئے۔ حضرت عائشہ بیان کرتی ہیں: میں حضور نبی اکرم صلی اللہ علیہ وآلہ وسلم کے پیچھے گئی تو میں نے آپ صلی اللہ علیہ وآلہ وسلم کو جنت البقیع میں مسلمان مردوں، عورتوں اور شہداء کے لیے استغفار کرتے پایا، پھر میں واپس آگئی۔ رسول اﷲ صلی اللہ علیہ وآلہ وسلم تشریف لائے تو حضرت عائشہ رضی اللہ عہنا نے تمام صورتحال بیان کی تو آپ صلی اللہ علیہ وآلہ وسلم نے فرمایا: ابھی جبریل میرے پاس آئے اور کہا: آج شعبان کی پندرہویں رات ہے اور اس رات اللہ تعالیٰ قبیلہ کلب کی بکریوں کے بالوں سے بھی زیادہ تعداد میں لوگوں کی مغفرت فرماتا ہے۔ او کما قال۔۔۔۔
علما کرام کا کہنا ایسے افراد جن کی نمازیں قضا ہیں وہ نفل نماز ادا کرنے کے بجائے فرض نماز کی ادائیگی کو ترجیح دیں اور پوری رات اسی طرح عبادت میں گزاریں، الصلوۃ التسبیح کا بھی اہتمام کریں۔'
مزید پڑھیں:
