کل جماعتی حریت کانفرنس کے صدر سید علی گیلانی نے عسکریت پسند کمانڈر ذاکر موسی اور ایک عام شہری کی ہلاکت کے پیش نظر عوام سے 25 مئی کو ہڑتال کرنے کی اپیل کی ہے۔
ای ٹی وی بھارت سے بات کرتے ہوئے حریت(گ) کے ترجمان نے بتایا کہ علیحدگی پسند رہنما سید علی گیلانی نے کل عوام سے ذاکر موسی اور پلوامہ کے رہنے والے عام شہری ظھور احمد کی ہلاکت کے خلاف احتجاج اور ہڑتال کرنے کی اپیل کی ہے۔
واضح رہے کہ گزشتہ روز عسکریت پسند کمانڈر ذاکر موسی فورسز کے ساتھ تصادم میں ہلاک ہوگئے تھے۔ ان کی ہلاکت کے ساتھ ہی وادی میں پر تشدد مظاہرے بھی شروع ہوگئے اور ان کی نماز جنازہ میں تقریباً 10 ہزار افراد نے شرکت کی۔
ذاکر موسی کو برہانی وانی کا قریبی تصور کیا جاتا ہے اور سیکوریٹی فورسس کا کہنا ہے کہ برہانی وانی کی ہلاکت کے بعد ذاکر موسی کی ہلاکت ان کی بہت بڑی کامیابی ہے۔
