بل گیٹس کو چائے پلانے والے ڈولی نے کیا کہا؟

ناگپور: مخصوص انداز میں چائے بیچنے والے ڈولی چائے والا نے بل گیٹس کو چائے پلانے کے بعد کہا کہ میں جب ان کے لیے چائے بنا رہا تھا تو اس وقت میں یہی جانتا تھا کہ وہ ایک غیر ملکی ہیں، لیکن جب میں ناگپور واپس آیا تو لوگ میری ویڈیو دیکھ کر پوچھنے لگے کی تم نے کس کو چائے پلائی ہے۔ اس وقت میں نے جان سکا کہ میں نے دنیا کے امری ترین شخص بل گیٹس کو چائے پلائی ہے۔

دراصل ڈولی چائے والے کے مداح اس وقت حیران رہ گئے جب ان کی ایک ریل بل گیٹس کے ساتھ وائرل ہوگئی۔ 27 سیکنڈ کی ریل کو مائیکروسافٹ کے بانی بل گیٹس  نے اپنے انسٹاگرام اور فیس بک پر بھی شیئر کیا ہے۔ ویڈیو میں دیکھا جاسکتا ہے بل گیٹس، جو اس وقت بھارت کا دورہ کر رہے ہیں، ڈولی کو 'ون چائے پلیز' کا آرڈر دیتے ہوئے نظر آتے ہیں، جس کے بعد ڈولی چائے والا مخصوص انداز میں چائے تیار کرتا ہے۔ جو شائقین کو کافی زیادہ پسند آتا ہے۔

بل گیٹس نے ویڈیو میں لکھا، "میں بھارت واپس آکر بہت پرجوش ہوں، یہ ملک زندگی بچانے اور بہتر بنانے کے نئے طریقوں پر کام کرنے والے ناقابل یقین اختراع کاروں کا گھر ہے اور یہاں تک کہ ایک کپ چائے بھی بناتا ہوں، بہت سے چائے پہ چرچوں کا انتظار ہے۔" اور بل گیٹس نے کیپشن میں لکھا کہ بھارت میں، آپ جہاں بھی جائیں وہاں جدت تلاش کر سکتے ہیں - یہاں تک کہ چائے کے ایک سادہ کپ کی تیاری میں بھی!"

میڈیا رپورٹ کے مطابق یہ ویڈیو منگل کو حیدرآباد میں شوٹ کیا گیا تھا۔ بل  گیٹس بدھ کو مائیکروسافٹ انڈیا ڈیولپمنٹ سنٹر کا دورہ کرنے کے لیے حیدرآباد میں تھے۔ ڈولی کے انسٹاگرام پر نو لاکھ کے قریب فالوورز ہیں اور وہ یوٹیوب بلاگر بھی ہیں۔