اورنگ آباد میں پولیس نے50 لاکھ روپے نقد کے ساتھ دو لوگوں کو گرفتار کیا - Cash seized In Aurangabad

Fifty Lakh Cash seized In Aurangabad اورنگ آباد میں پولیس نے خصوصی تلاشی مہم کے دوران موٹرسائیکل پرسوار دو افراد کو گرفتار کرکے ان کے پاس سے 50 لاکھ روپے نقد برآمد کئے۔رواں ہفتہ میں پولیس نے دوسری مرتبہ حوالہ معاملےمیں نقد روپے کی برآمد گی کی ہے ۔اس سے قبل 80 لاکھ روپے نقد کے ساتھ چھ لوگوں کو حراست میں لیا تھا۔

اورنگ آباد: اورنگ آباد میں ضرورت سے زیادہ غیر قانونی طور پر راقم کی لین دین کے معاملے میں دو ملزمین کو پولس کے اسپیشل اسکواڈ نے گرفتار کیا ہے۔ ان کے قبضے سے پچاس لاکھ روپئے نقد ضبط کیے گئے۔

پولیس ذرائع سے ملی اطلاع کے مطابق ایک مخبر نے اسپیشل اسکواڈ اور زون ون کے اسٹنٹ کمشنر سمیت شندے کو اطلاع دی کہ دو افراد موٹر سائیکل پر غیر قانونی رقم لے کر آنے والے ہیں۔ اطلاع ملنے پر پولیس کمشنر منوج لوہیا کی رہنمائی میں ڈپٹی پولیس کمشنر برائے زون ون نتن باگاٹے ، اسٹنٹ پولس کمشنر سمیت شندے، سب انسپکٹر ارجن کدم ، ہیڈ کانسٹیبل عرفان، خان جعفر پٹھان نے دو پہر دو بجے سلح خانہ چوک پر کارروائی کی گئی ۔

موٹر سائیکل پر سوار دو نوجوانوں پوچھ گچھ کی گئی۔ان کے پاس بیگ کی تلاشی کے دوران لاکھوں روپے نقد برآمد ہوئے ۔ پولس نے ان کے قبضے سے پچاس لاکھ روپئے نقد ، ساٹھ ہزار روپئے کے دو موبائیل فون ، ایک لاکھ ساٹھ ہزار روپے مالیت کی دو موٹر سائیکل سمیت کل باون لاکھ بیس ہزار کا مال ضبط کر لیا۔

گرفتار ملزمین کے خلاف کرانتی چوک پولس اسٹیشن میں مقدمہ درج کر لیا گیا ۔کرانتی چوک تھانے کی پولیس کی تفتیش جاری ہے۔