لکھنو:ای ٹی وی بھارت سے بات چیت کرتے ہوئے حج کمیٹی اف انڈیا کے سی ای او ڈاکٹر لیاقت علی افاقی نے بتایا کہ لکھنو حج ہاؤس کا انتظام بہت ہی شاندار ہے عازمین کے قیام سمیت نماز ادا کرنے اور دیگر عبادات کے لیے بہترین انتظامات ہے۔ ساتھ ہی اے سی کمرہ ، پینے کے ٹھنڈے پانی سمیت دستاویزات کے ویریفیکیشن اور سامان چیک کرنے کے لیے بہترین سہولتیں ہیں۔
انہوں نے مزید بتایا کہ روا برس عازمین حج بہتر سہولت فراہم کرنے کے لیے ابتدائی دنوں ہی سے کام شروع ہو گیا تھا اسی بابت میں حج سویدھا ایپ لانچ ہوا جس میں عازمین کے لیے تمام تر سہولیات موجود ہیں۔ رواں برس شدت کی گرمی ہے۔ ظاہر ہے کہ اس گرمی میں عازمین کی صحت پر اثر پڑ سکتا ہے ۔بیمار ہو سکتے ہیں۔ اس کے لیے نہ صرف حج ہاؤس میں طبی عملہ موجود ہے بلکہ مدینہ منورہ میں بھی طبی عملہ موجود ہے۔حج سیوا ایپلیکیشن میں اگر کسی کو صحت کے متعلق پریشانی ہو رہی ہے تو اس میں لال بٹن ہے۔ اس کو دباتے ہی طبی سہولتیں دستیاب ہوں گی۔
انہوں نے مزید کہا کہ ہر برس 300 عازمین حج پر ایک خادم الحجاج کا انتظام ہوتا تھا لیکن روا برس 200 عازمین حج پر ایک خادم الحجاج مقرر کیا گیا ہے تاکہ عازمین کو کسی قسم کی پریشانی لاحق نہ ہو۔ رواں برس پورے ملک سے ایک لاکھ 75 ہزار عازمین حج سفر حج پر جا رہے ہیں جن میں سے خواتین بنا محرم کے بھی سفر حج پر جا رہی ہیں۔ ان کے لیے خصوصی انتظامات کیے گئے ہیں
سی ای او نے کہا کہ ہر ریاست سے بنا محرم کی جانے والی خواتین کے لیے الگ سے فلائٹ کا انتظام کیا جائے گا۔ان کے ساتھ ایک خادم الحجاج خاتون بھی بھیجا جائے گا۔مدینہ منورہ اور مکہ مکرمہ میں بنا محرم سفر حج پر جانے والی خواتین کے لیے علیحدہ ہوٹلز بک کرائے جائیں گے ۔اسی میں ان کے لیے تمام تر انتظامات ہوں گے۔
یہ بھی پڑھیں:عازمین حج کا پہلا قافلہ لکھنؤ سے مدینہ منورہ کے لیے روانہ - HAJ 2024
ڈاکٹر لیاقت علی افاقی نے بتایا کہ حج کے تعلق سے کسی بھی لاپرواہی کو برداشت نہیں کیا جائے گا عازمین کو کوئی دقت پریشانی اگر ا رہی ہے تو اسے فوری طور پر حل کیا جائے گا جس کے لیے سبھی ریاستوں میں ریاستی حج کمیٹی اور حج محکمہ کے عملہ موجود ہیں۔
