گجرات: ایم ایل اے عمران کھیڑا والا اور سابق ایم ایل اے غیاث الدین شیخ نے ریاست کے چیف پولیس وکاس سہائے سے گاندھی نگر میں ذاتی طور پر ملاقات کی۔ اس تعلق سے رکن اسمبلی عمران کھیڑا والا نے بتایا کہ فسادات اس وقت تک نہیں رکیں گے، جب تک فرقہ وارانہ واقعات کو روکنے کے لیے فسادی عناصر کو بلا تفریق ذات پات یا مذہب کے بغیر گرفتار نہیں کیا جاتا۔
انہوں نے مزید کہا کہ ہجوم میں اشتعال انگیز نعرے لگا کر لوگوں کو اکسانے کی مجرمانہ سازش کرنے والے سازشیوں اور پتھراؤ کرنے والوں کے خلاف سخت کاروائی کی جائے۔ سماج دشمن عناصر کا کوئی مذہب یا ذات نہیں ہوتا، افسوسناک حقیقت یہ ہے کہ بدامنی کا واقعہ ہوتے ہی عوام کے منتخب نمائندے اور بنیاد پرست تنظیمیں ہجوم کے ذریعے پولیس پر سیاسی دباؤ ڈال کر حقیقی مجرموں کو بچانے کے لیے یکطرفہ کاروائی کرنے کے غیر انسانی مجرمانہ فعل کا ارتکاب کرتے ہیں۔ گجرات پولیس بہت موثر انداز میں کام کرنے کی صلاحیت رکھتی ہے۔
انہوں نے آگے کہا کہ معاشرے کا کوئی بھی فرد پتھراؤ کرنے والے مجرموں بشمول فسادیوں کے خلاف سخت کاروائی پر اعتراض نہیں کر سکتا، لیکن انتہائی افسوس کے ساتھ کہنا پڑتا ہے کہ پادرا کے کھیرالو اور بھوج دیہات میں پولیس نے امتیازی سلوک کے ساتھ ایک فریق کے خلاف شکایت درج کروائی ہے۔ یہ افسوسناک ہے کہ پولیس نے یکطرفہ طور پر معصوم شہریوں کو دبایا۔معصوم شہریوں پر ظلم فوری طور پر بند ہونا چاہیے۔
یہ بھی پڑھیں:
- گجرات میں مسلمانوں کی پٹائی پر سپریم کورٹ کا سخت حکم
- گجرات وقف بورڈ کے انتخابات مستقبل قریب میں ہوں گے یا نہیں؟
ریاست کے امن و سلامتی کے مفاد میں فسادات کو روکنے کے لیے پولیس کی کاروائیوں میں مداخلت بند ہونی چاہیے اور پولیس کو بھی چاہیے کہ وہ جرائم پیشہ افراد کے خلاف بلا امتیاز ذات پات، مذہب کے بلا امتیاز اور سخت کاروائی کرے۔ بشرطیکہ ان کی کاروائیاں سیاسی دباؤ میں آکر عوام کے مفاد میں نہ ہوں۔ پادرا تعلقہ، کھیرالو اور بھوج دیہات کے امن و سلامتی کو برقرار رکھنے، لوگوں میں خوف، عدم اعتماد اور ناانصافی کے احساس کو دور کرنے کے لیے دونوں برادریوں کے سماجی اور مذہبی رہنماؤں کے ساتھ مشترکہ طور پر امن کمیٹی کا ایک ہنگامی اجلاس منعقد کرنا چاہیے۔
