اجمیر:ریاست راجستھان کے اجمیر میں عالمی شہرت یافتہ حضرت خواجہ معین الدین حسن چشتی رحمتہ اللہ علیہ کی درگاہ پر بالی ووڈ سے وابستہ فلمی شخصیات کی حاضری دینے کا سلسلہ برسوں سے جاری ہے۔اسی درمیان بالی ووڈ فلم اداکارہ ڈولی مٹو نے اجمیر شریف درگاہ پر حاضری دینے کے لئے پہنچی ۔15 برسوں کے بعد اجمیر شریف درگاہ حاجی دینے پہنچی ڈولی مٹو بے حد خوش نظر آئی،
فلم اداکارہ ڈولی مٹو کو درگاہ کے خادم بالی وڈ دعاگو سید قطب الدین سخی نے زیارت کروائی اور دربار کا دوپٹہ اوڑھایا۔ انہیں دربار عالیہ میں تبرک پیش کیا ۔
میڈیا سے بات کرتے ہوئے ڈولی نے بتایا کہ وہ 15 سال بعد حاضری دینے اجمیر آئی ہیں۔ انہیں امید ہے کہ ہمیشہ کی طرح خواجہ صاحب ان کے خاندان پر ہمیشہ کی طرح نظر عنایت رکھیں گے۔وہ یہاں آکر بہت خوش ہیں۔
یہ بھی پڑھیں:تارک مہتا کا الٹا چشمہ کے اداکار عبدل کی اجمیر شریف درگاہ پر حاضری - Sharad Sankhla Visit Ajmer Sharif
ان دنوں ڈولی مٹو کام کے سلسلے میں راجستھان میں ہیں۔ ایسے میں اجمیر کی درگاہ پر ان کا حاضر ہونا خوش نصیبی ہے۔ ڈولی کا ٹی وی شو "آنگن اپنوں کا" اور ایک نئی پنجابی فلم "بیبو" ہے۔ اس کے علاوہ ڈولی نے فلم "پیار میں ٹوئسٹ،کشتریہ،گیم،اب کی بارس،یارانہ،بال گنیش،گڈ لک اور ٹی وی ڈرامہ اس پیار کو کیا نام دو'،چھوٹی سردارنی،شادی مبارک، میں اپنی اداکاری کی مہارت دکھاچکی ہیں۔
