اجمیر: ریاست راجستھان کے اجمیر میں واقع مسلم تنظیم آل انڈیا مسلم سرکشہ پریشد نے اتر پردیش میں مدرسوں کے حوالے سے الہ آباد کے فیصلے خلاف سپریم کورٹ میں درخواست دائر کرنے کا فیصلہ کیا ہے۔
اتر پردیش مدرسوں کے اساتذہ کی تنخواہ پر پابندی کے خلاف آل انڈیا مسلم سرکشہ پریشد احتجاج کرنے کا فیصلہ کیا ہے۔ تنظیم کی جانب سے اتر پردیش مدرسوں کے اساتذہ کی حمایت میں آواز بلند کی جائے گی۔معاملے کو عام لوگوں تک لے جانے کی کوشش کی جائے گی۔
اس سلسلے میں آل انڈیا مسلم سرکشہ پریشد کے صدر محمد ابوبکر رضوی اپنے وفد کے ساتھ اجمیر شریف درگاہ پہنچے جہاں انہوں نے صوفی حضرت خواجہ غریب نواز رحمتہ اللہ علیہ کی بارگاہ میں حاضری دی۔انہوں نے اتر ہردیش مدرسوں کے اساتذہ اور طلبا و طالبات کے حق میں دعا مانگی۔
یہ بھی پڑھیں:الہ آباد ہائی کورٹ نے یوپی بورڈ آف مدرسہ ایجوکیشن ایکٹ 2004 کو غیرآئینی قرار دیا - up madarsa board
محمد ابوبکر رضوی نے میڈیا کو بتایا کہ یو پی ہائی کورٹ کے فرمان کے خلاف سپریم کورٹ میں مدرسوں اساتذہ کے حق میں درخواست پیش کی جائے گی۔ جس کی کامیابی کے لیے اجمیر شریف درگاہ میں حاضری دینے آئے ہیں۔امید ہے کہ نیک کار خیر میں کامیابی ضرور ملے گی۔اس کے لئے طول جدوجہد کرنے کی ضرورت ہے۔انہوںنے مزید کہاکہ سپریم کورٹ میں درخواست دائر کرنے سے پہلے حضرت خواجہ غریب نواز رحمت اللہ علیہ کی بارگاہ میں حاضری دی ہے۔
