شملہ: ہماچل پردیش کانگریس کے 6 باغی رہنما بی جے پی میں شامل ہوگئے ہیں۔ کانگریس کے سابق ایم ایل ایز راجندر رانا، سدھیر شرما، دیویندر بھٹو، چیتنیا شرما، روی ٹھاکر اور اندر دت لکھن پال نے ہفتہ کو دہلی میں بی جے پی کے دفتر میں پارٹی کی رکنیت اختیار کی۔ اس دوران مرکزی وزیر انوراگ ٹھاکر، ہماچل بی جے پی کے صدر راجیو بندل، سابق سی ایم جے رام ٹھاکر اور بی جے پی کے راجیہ سبھا ایم پی ہرش مہاجن موجود تھے۔ قابل ذکر ہے کہ راجیہ سبھا انتخابات کے دوران کانگریس کے ان چھ سابق ایم ایل ایز نے کراس ووٹنگ کے ذریعہ بی جے پی امیدوار ہرش مہاجن کو ووٹ دیا تھا جس کے بعد اسپیکر نے ان اراکین اسمبلی کو نااہل قرار دے دیا تھا۔ الیکشن کمیشن نے ان چھ نشستوں پر ضمنی انتخابات کا اعلان بھی کر دیا ہے۔
-
आयाराम-गयाराम और धनबल की राजनीति करने वालों ने देवभूमि के जनादेश से धोखा करके आज अपना ठिकाना चुन लिया।
— Sukhvinder Singh Sukhu (@SukhuSukhvinder) March 23, 2024
आज वे उनके साथ बैठे हैं जिन्होंने OPS माँगने पर कर्मचारियों का मजाक उड़ाया।
जिन्होंने पेपर लीक घोटाला किया और युवाओं के रिजल्ट लटकाये।
जो अपने फायदे के लिए महिलाओं के विरोध…
یہ بھی پڑھیں:
ہماچل پردیش: کانگریس کے چھ ارکان اسمبلی نااہل قرار
ٹویٹر پر ٹوئٹ کرتے ہوئے باغیوں پر تنقید کرتے ہوئے سی ایم سکھو نے لکھا کہ 'آیارام-گیارام اور پیسے کی طاقت کی سیاست کرنے والوں نے دیو بھومی کے مینڈیٹ کو دھوکہ دے کر آج اپنی منزل کا انتخاب کیا ہے۔ آج وہ ان لوگوں کے ساتھ بیٹھے ہیں جنہوں نے او پی ایس مانگنے پر ملازمین کا مذاق اڑایا، جنہوں نے پیپر لیک اسکینڈل کیا اور نوجوانوں کے نتائج لٹکائے، جو اپنے مفاد کے لیے خواتین کے خلاف کھڑے ہوئے، جنہوں نے دیو بھومی کی روایات اور اقدار کو تباہ کیا۔ اپنی بے ایمانی اور لالچ کی وجہ سے پیسے کے عوض عزت بیچنے والے پیسے سے عوام کی محبت اور حمایت نہیں خرید سکتے۔ وزیر اعلیٰ نے مزید لکھا کہ عوام آئندہ انتخابات میں ان کو جواب دیں گے۔
ان ایم ایل اے کے بی جے پی میں شامل ہونے کے بعد کل 68 اسمبلی سیٹوں میں سے کانگریس اب 34 سیٹیں رہ گئی ہے۔ ساتھ ہی دوسری جانب بی جے پی کی تعداد میں اضافہ نہیں ہوگا کیونکہ 6 باغی ایم ایل ایز کو اسپیکر نے معطل کردیا تھا اور 3 آزاد ایم ایل ایز نے استعفیٰ دے دیا ہے۔ ہماچل پردیش اسمبلی میں کانگریس کے 40 ایم ایل اے تھے۔ 68 رکنی اسمبلی میں اکثریت کے لیے مطلوبہ جادوئی اعداد و شمار 35 تھے۔
واضح رہے کہ قبل ازیں ہماچل پردیش کے راجیہ سبھا الیکشن میں کراس ووٹ کرنے والے کانگریس کے چھ اراکین اسمبلی کو نااہل قرار دے دیا گیا تھا۔ ہماچل پردیش اسمبلی کے اسپیکر کلدیپ سنگھ پٹھانیا نے اپنا فیصلہ سنایا تھا۔ ہماچل پردیش اسمبلی اسپیکر کلدیپ سنگھ پٹھانیا نے کہا تھا کہ ان چھ اراکین اسمبلی نے انحراف مخالف قانون کی خلاف ورزی کی۔ ان چھ ارکان اسمبلی کو اسمبلی کی رکنیت سے میں برخاست کر رہا ہوں، جن میں چیتنیا شرما، راجندر رانا، دیویندر بھٹو، اندرا دت لکھن پال، روی ٹھاکر، دیویندر بھٹو اور سدھیر شرما شامل ہیں"۔
