حیدرآباد: انڈین پریمیئر لیگ (آئی پی ایل) 2024 میں بدھ 10 مئی کو لکھنؤ سپر جائنٹس اور سن رائزرز حیدرآباد کے درمیان میچ کھیلا گیا۔ اس میچ میں لکھنؤ کو 10 وکٹوں سے شکست کا سامنا کرنا پڑا۔ اس شکست سے مایوس ٹیم کے مالک سنجیو گوئنکا میدان میں ہی غصے میں پھٹ پڑے اور ایل ایس جی کے کپتان کے ایل راہل سے غصے میں بات کرتے نظر آئے۔
گوئنکا کا راہل کے ساتھ غصے میں بات کرنے کا ویڈیو سامنے آنے کے بعد سوشل میڈیا صارفیں انہیں کافی زیادہ تنقید کر رہے ہیں۔ کئی کرکٹ ماہرین کا کہنا تھا کہ انہیں میدان میں ایسا سلوک نہیں کرنا چاہیے تھا۔ اس معاملے پر بحث ابھی ختم بھی نہیں ہوئی ہے کہ اب کے کے آر کے مینٹر گوتم گمبھیر نے کولکتہ نائٹ رائیڈرز کے مالک شاہ رخ خان کے ٹیم کے ساتھ برتاؤ کے حوالے سے بڑا انکشاف کیا ہے۔
تاہم انہوں نے کہا ہے کہ کنگ خان کا کھلاڑیوں کے ساتھ بہت اچھا رویہ ہے اور وہ ان سب کو سپورٹ کرتے ہیں۔ حال ہی میں، ایک اسپورٹس ویب سائٹ کو انٹرویو دیتے ہوئے کے کے آر کے مینٹور گوتم گمبھیر نے کہا، 'میں نے اب تک جتنے بھی مالکان کے ساتھ کام کیا ہے ان میں شاہ رخ خان بہترین مالک ہیں۔
انہوں نے کے کے آر ٹیم میں کرکٹ کے معاملات میں کبھی مداخلت نہیں کی۔ وہ مجھ پر بھروسہ کرتے ہیں اور میرے فیصلوں کی حمایت بھی کرتے ہیں۔ گمبھیر نے مزید کہا کہ 'کپتان، کوچ اور مالکان کے درمیان تعلق بہت اہم ہوتا ہے'۔
گوتم گمبھیر نے کہا ہے کہ 'خاص طور پر بھارت میں کبھی کبھی کچھ تجزیہ کار صرف ایک منٹ اور ایک میچ کی بنیاد پر تنقید شروع کر دیتے ہیں۔ تنقید تب کی جانی چاہیے جب آپ اس حالت میں ہوں اور اس دباؤ کو جانتے ہوں۔ شاہ رخ خان اس جدوجہد اور دباؤ کو جانتے ہیں۔
