ندیا:مغربی بنگال کے ندیا ضلع میں واقع کلیانی میونسپل اسٹیڈیم میں محمڈن اسپو رٹنگ اور ٹراو ایف سی کی ٹیمیں آمنے سامنے ہوئیں۔دونوں ٹیموں کو اس پوائنٹ میں پیشقدمی کے لئے اس میچ میں کسی بھی قیمت پر جیت درج کرنی تھی۔دونوں ٹیمیں بلند حوصلوں کے ساتھ میدان میں اتریں۔
دونوں ٹیموں نے جارحانہ انداز میں کھیل کامظاہرہ کرتے ہوئے ایک دوسرے پر سبقت حاصل کرنے کی کوشش کی ۔دونوں جانب سے پے در پے حملے دیکھنے کو ملے۔پہلے ہاف کے مقررہ وقت دونوں ٹیموں کے درمیان برتری کی جنگ جاری رہی۔
پہلے ہاف کے انجوری ٹائم 1+45 ویں منٹ پر ایڈی ہرنانڈیز نے گول کرکے محمڈن اسپورٹنگ کو ایک صفر کی برتری دلانے میں اہم رول ادا کیا۔پہلے ہاف کے اختتام تک محمڈن اسپورٹنگ کی ایک صفر کی برتری برقرار رہی۔
دوسرے ہاف میں ٹراو ایف سی کی ٹیم جارحانہ انداز میں کھیل کامظاہرہ کرتے ہوئے ایک صفر کے خسارے کو ختم کرنے کی بھر پور کوشش کی ۔مہمان ٹیم کے کھلاڑیوں کو گول کرنے کے مواقع بھی ملے لگر وہ محمڈن اسپورٹنگ کی دفاعی دیوار میں شگاف ڈالنے میں ناکام رہے ۔محمڈن اسپورٹنگ کی جانب سے بھی جوابی حملے ہوئے۔
کھیل کے انجوری ٹائم1+90 میں ایڈی ہرنانڈیز نے ایک اور گول کرکے محمڈن اسپورٹنگ کی جیت کو یقینی بنایا۔محمڈن اسپورٹنگ 0۔2 سے میچ جیت کر آئی لیگ میں اپنی پوزیشن مستحکم کرلی۔محمڈن اسپورٹنگ 15 میچوں میں 34 پوائنٹ کے ساتھ پہلی پوزیشن پر ہے جبکہ گوکھلم کیرالہ ایف سی 14 میچوں میں 26 پوائنٹ کے ساتھ دوسری پوزیشن پر یے۔
یہ بھی پڑھیں:محمڈن اسپورٹنگ آئی لیگ کی خطابی دوڑ میں سب سے آگے
سرینیٖڈی دکن ایف سی 26 پوائنٹ اور رئیل کشمیر ایف سی 13 میچوں میں 23 پوائنٹ کے ساتھ بالترتیب تیسری اور چوتھی پوزیشن پر ہے۔آئی لیگ چمپئن شپ کی دوڑ میں محمڈن اسپورٹنگ کے لئے مثبت بات یہ ہے کہ وہ دوسری ٹیموں کے مقابلے آٹھ ہوائنٹ کا فرق بنا رکھی ہے۔
