بارہمولہ: مرکز کے زیر انتظام یوٹی جموں و کشمیر کے بارہمولہ کے ٹاؤن ہال کنزر میں آج محکمہ ہینڈ لوم کی جانب سے ایک نمائش اوربیداری پروگرام کا انعقاد کیا گیا۔ اس پروگرام میں ایک نمائش کم بیداری پروگرام کا اہتمام کیا گیا جہاں مختلف کاریگروں نے ہینڈ لوم کے اسٹال لگائے تھے۔ مختلف اسٹال شائقین کی توجہ کا مرکز بنے۔ اس پروگرام میں ایسٹرن ڈائریکٹر ہینڈ لوم بارامولہ پبلسٹی افسر بارہمولہ مہمان خصوصی کے طور پر موجود تھے۔
اس پروگرام میں ہینڈ لوم کے کاریگر مقامی لوگ اور محکمہ ہینڈ لوم کے ملازم بھی موجود تھے۔ اسسٹنٹ ڈائریکٹر ہینڈ لوم نے ای ٹی وی بھارت کے ساتھ بات کرتے ہوئے کہا کہ جموں و کشمیر کے مختلف اضلاع میں بیداری پروگرام کا انعقاد کیا جا رہا ہے۔ یہ صرف بیداری پروگرام ہی نہیں بلکہ ہنڈلوم صنعت کی ترقی کے لئے نمائش کا بھی اہتمام کیا جا رہا ہے۔
یہ بھی پڑھیں: پلوامہ میں 68 کنٹیجینٹ پیڈ ورکرس کے درمیان مستقل تقرری نامہ تقسیم
انہوں نے کہا کہ بیداری کم نمائشی پروگرام کے ذریعہ ہنڈلوم سے وابستہ افراد کو تمام ضروری معلومات فراہم کرنے کی کوشش کی جا رہی ہے تا کہ یہ صعنت ترقی کرسکے۔ قومی سطح پر بھی اس طرح کے پروگرام کا انعقاد کیا جا رہا ہے۔ واضح رہے کہ ہر سال ایسے پروگرام کا انعقاد کیا جاتا ہے جس سے اس صنعت سے وابستہ لوگوں کو فائدہ ہو سکے۔
