جموں(جموں و کشمیر) : نیشنل کانفرنس کے رہنما و جموں و کشمیر کی قانون ساز کونسل کے سابق ممبر سید محمد رفیق شاہ نے جمعہ کو بی جے پی میں شمولیت اختیار کر لی۔شاہ کا پارٹی میں استقبال جموں و کشمیر یوٹی بی جے پی صدر رویندر رینا نے پارٹی دفتر تریکوٹہ نگر جموں میں کیا۔
یاد رہے کہ اس ماہ کے شروع میں سابق وزیر مشتاق بخاری نے بھی بی جے پی میں شمولیت اختیار کی،جبکہ نیشنل کانفرنس کے کئی سرکردہ لیڈران بشمول کٹھوعہ ضلع صدر سنجیو کھجوریہ بی جے پی میں شامل ہوگئے تھے۔ اس کے علاوہ کئی حامیوں اور ضلعی عہدیداروں نے بھی گزشتہ ماہ نیشنل کانفرنس سے بی جے پی میں شمولیت اختیار کی۔
مزید پڑھیں:
- شہناز گنائی کی شمولیت کے بعد کیا دیگر پہاڑی لیڈر بھی بی جے پی میں شامل ہونے جارہے ہیں؟
- سابق ایم ایل سی جموں و کشمیر بی جے پی میں شامل
واضح رہے کہ مرکزی سرکاری کی جانب سے جموں و کشمیر میں پہاڑی لوگوں کو ایس ٹی کا ریزرویشن دینے کے بعد پہاڑی آبادی کے سیاسی و سماجی لیڈران نے بی جے پی کا ہاتھ تھام لیا۔ تاہم گجر آبادی کی سخت مخالفت کے باوجود بی جے پی نے شیڈول ٹرائب ریزرویشن پہاڑیوں کو دے دی۔ اس فیصلے سے گجر آبادی کافی ناراض ہوئے ہے۔ اگرچہ مرکزی سرکار نے گجر آبادی کو یقین دہانی کی ہے کہ ان کی ریزرویشن کے ساتھ چھیڑ چھاڑ نہیں کی جائے گی۔
