رامبن:ملک کی دوسری ریاستوںکی مرکز کے زیر انتظام یوٹی جموں و کشمیر کے ضلع رامبن کے سنگلدان میں ڈیموکریٹک پروگریسیو آزاد پارٹی کا عوامی جلسے کا اہتمام کیا گیا۔اس میں پارٹی قائد غلام نبی آزاد سمیت پارٹی لیڈران نے شرکت کی ۔
پارلیمانی انتخابات دو ہزار چوبیس کے پہلے مرحلے کے تحت ضلع رامبن میں بھی 19اپریل کو کٹھوعہ۔ ڈوڈہ، ادھمپور پارلیمانی انتخابات کے لئے پولنگ ہونی ہے۔ اس ضمن میں تمام پارٹیوں نے تشہیر مہم کے آخری دن عوامی جلسوں کا انعقاد کیا اور اپنے اپنے امیدوراں کے حق میں ووٹ دینے کی اپیل کی۔
اس سلسلے میں ضلع رامبن کے سنگلدان میں ڈی پی اے پی کی جانب سے عوامی جلسے کا اہتمام کیا گیا۔پارٹی کے سربراہ غلام نبی آزاد نے عوامی جلسے کو خطاب کرتے ہوئے کہاکہ کشمیر کی عوام کو اس مرتبہ ڈیموکریٹک پروگریسیو آزاد پارٹی پر بھروسہ کرنا چاہئے۔آپ نے جن پارٹیوں کو اپنا چکے ہیں انہوںنے کبھی بھی آپ کے لئے کبھی کوئی کام نہیں ہے کیا۔
یہ بھی پڑھیں:کشمیر میں غلام نبی آزاد کا انتخابی سفر - Lok Sabha Election 2024
سلمان نظامی نے کہا کہ ضلع رامبن میں ان کی پارٹی سب سے زیادہ مضبوط ہے۔ اس کا ثبوت کل کھڑی میں ہوئے جلسے اور آج سنگلدان میں ہوئی ریلی سے لگایا جاسکتا ہے کہ کس طرح جم غفیر عوام غلام نبی آزاد کی رہبری میں قدم سے قدم ملا کر چلنے کو تیار ہے۔
