واشنگٹن: ایمیزون کے بانی جیف بیزوس نے پیر کو بلومبرگ بلینیئرز انڈیکس میں ایلون مسک کو پیچھے چھوڑتے ہوئے دنیا کے امیر ترین شخص کے طور پر اپنا مقام بنا لیا ہے۔ ٹریکر کے مطابق بیزوس کی مجموعی مالیت $200 بلین ہے، جنہوں نے ٹیسلا کے سربراہ ایلون مسک کے $198 بلین کو پیچھے چھوڑ دیا ہے۔
غور طلب ہو کہ ایلون مسک جو ایکس (ٹویٹر) اور اسپیس ایکس(SpaceX) کے سربراہ بھی ہیں، ان کو اپنی دولت میں 30 بلین ڈالر سے زیادہ کی کمی ہوئی ہے کیونکہ حالیہ مہینوں میں ٹیسلا کے حصص کی قیمت میں 25 فیصد کی کمی ہوئی ہے۔
واضح رہے کہ ایلون مسک کی پریشانیوں میں اس وقت اضافہ ہوا، جب جنوری میں ایک عدالت نے ان کے بہت بڑے ٹیسلا معاوضے کے معاہدے کو منسوخ کرنے کی منظوری دے دی تھی، جس کی مالیت $55.8 بلین تھی۔
جیف بیزوس جو کہ اب ایمیزون نہیں چلاتے ہیں، اس دوران انہوں نے ای کامرس کے بڑھتے ہوئے اسٹاک کی قیمتوں سے فائدہ اٹھایا ہے۔ حال ہی میں انہوں نے 8.5 بلین ڈالر کا اسٹاک فروخت کیا تھا، جو کہ کمپنی کا سب سے بڑا شیئر ہولڈر ہے۔
یہ بھی پڑھیں:
- دنیا کے پانچ امیر ترین افراد کی دولت چار سالوں میں دُگنی ہوگئی، اوکسفیم رپورٹ
- ایمیزون نے بھارت میں پانچ سو ملازمین کو فارغ کردیا
لگژری گروپ ایل وی ایم ایچ کے فرانسیسی سی ای او، برنارڈ ارنولٹ دنیا کے امیر ترین افراد کی درجہ بندی میں تیسرے نمبر پر ہیں، جن کی مالیت 197 بلین ڈالر ہے۔ وہیں بھارتی نژاد ریلائنس انڈسٹریز کے چیئرمین مکیش امبانی اور اڈانی گروپ کے چیئرمین گوتم اڈانی بالترتیب 11ویں اور 12ویں نمبر پر ہیں۔ امبانی کی کل دولت 115 بلین امریکی ڈالر ہے جبکہ اڈانی کی 104 بلین امریکی ڈالر ہے۔
