ممبئی: کاروباری ہفتے کے تیسرے دن زی کے شیئرز میں گراوٹ دیکھی گئی ہے۔ زی انٹرٹینمنٹ کے حصص آج 10 فیصد سے زیادہ نیچے ٹریڈ کر رہے ہیں۔ اسٹاک میں موجودہ ایف اینڈ او پر پابندیاں ہیں اس لیے کوئی نئی پوزیشن نہیں بنائی جا سکتی۔ واضح رہے گزشتہ 5 میں سے 4 سیشنز میں زی انٹرٹینمنٹ کے شیئرز ریڈ زون میں رہے ہیں۔ تاہم گزشتہ سیشن میں یہ 7 فیصد اضافے کے ساتھ بند ہوا تھا۔ گزشتہ ماہ اسٹاک میں 12 فیصد کمی ہوئی تھی۔ گزشتہ چھ ماہ میں 35 فیصد اور گزشتہ سال 16.83 فیصد کمی آئی ہے۔
سیبی کی جانب سے کمپنی کے کھاتوں میں 2,000 کروڑ روپے کی بے ضابطگیوں کی اطلاع کے بعد زی کے حصص 10 فیصد کے نچلے سرکٹ پر چلے گئے۔
واضح رہے کہ بلومبرگ نیوز کی رپورٹ کے مطابق زی انٹرٹینمنٹ انٹرپرائزز لمیٹیڈ (ZEEL) کو ایک جھٹکا لگا ہے۔ کیونکہ کیپٹل مارکیٹس کے ریگولیٹر سیکیورٹیز اینڈ ایکسچینج بورڈ آف انڈیا (SEBI) نے کمپنی کے کھاتوں میں 240 ملین امریکی ڈالر تقریباً 2,000 کروڑ روپے سے زیادہ کی مالی تضادات کا پتہ لگایا ہے۔ سیبی نے انکشاف کیا ہے کہ کمپنی سے تقریباً 2,000 کروڑ روپے (241 ملین ڈالر) واپس بھیجے گئے ہیں۔ یہ رقم سیبی کے ابتدائی تخمینہ سے تقریباً دس گنا زیادہ ہے۔
اس کے علاوہ، رپورٹ میں کہا گیا ہے کہ ریگولیٹر نے زی کے بانی سبھاش چندرا، ان کے بیٹے پنیت گوینکا اور ان کے میڈیا فرم کے بورڈ کے کچھ ارکان کو بھی وضاحت کے لیے طلب کیا ہے۔
یہ بھی پڑھیں:
