12 అడుగుల కింగ్​ కోబ్రా కలకలం.. ఇంట్లోకి వెళ్తుండగా..

ఉత్తరాఖండ్​ కోట్​ద్వార్​లోని హరేంద్రనగర్​ ప్రాంతంలో కింగ్​ కోబ్రా కలకలం రేపింది. 12 అడుగులకుపైగా పొడవున్న ఈ సర్పాన్ని చూసి జనం తీవ్ర భయాందోళనలకు గురయ్యారు. నివాస ప్రాంతంలోకి వచ్చిన కోబ్రా.. అనిల్​ రాటూరి అనే వ్యక్తి ఇంట్లోకి చొరబడుతుండగా గమనించారు. అటవీశాఖ అధికారులకు, పాములు పట్టే వ్యక్తికి సమాచారం అందించారు. దీంతో అక్కడికి చేరుకున్న పాములు పట్టే నైపుణ్యం ఉన్న జీతూ.. కింగ్​ కోబ్రాను పట్టుకొని అడవిలో వదిలేశాడు. దీంతో జనం ఊపిరిపీల్చుకున్నారు.