ఎగురుకుంటూ టీ తోటలో పడిన నాగార్జున కారు.. తీరా చూస్తే..

Car Accident Live Video: అది తమిళనాడు కూనూర్​లోని తుటుర్​మట్టం ప్రాంతం. సోమవారం తేయాకు తోటల్లో కూలీలు పని చేసుకుంటూ ఉండగా.. ఒక్కసారిగా ఓ కారు గాల్లో ఎగురుకుంటూ వచ్చింది. భారీ శబ్దంతో దొర్లుకుంటూ పక్కనున్న తోటలో పడింది. ఈ హఠాత్ పరిణామంతో అక్కడున్న వారంతా ఒక్కసారిగా హడలిపోయారు. కొందరు భయంతో పరుగులు తీశారు. అయితే.. ఇదంతా 'కింగ్' నాగార్జున నటిస్తున్న ఓ సినిమా షూటింగ్​లో భాగమని తెలుసుకుని ఊపిరి పీల్చుకున్నారు. కూనూర్​లో గత పది రోజులుగా నాగార్జున సినిమా షూటింగ్ జరుగుతోందని తెలిసింది.