దంతాలపల్లిలోని బ్యాంకులో విద్యుదాఘాతం

బ్యాంకులో విద్యుదాఘాతం సంభవించడంతో ఖాతాదారులు బయటకు పరుగులు తీసిన ఘటన మహబూబాబాద్​ జిల్లా దంతాలపల్లిలో జరిగింది.

మహబూబాబాద్​ జిల్లా దంతాలపల్లిలోని ఆంధ్రప్రదేశ్ గ్రామీణ వికాస్ బ్యాంకులో విద్యుదాఘాతం సంభవించింది. బ్యాంకుకు విద్యుత్తు సరఫరా చేసే స్విచ్ బోర్డు వద్ద షార్ట్ సర్క్యూట్​తో ఒక్కసారిగా మంటలు చెలరేగాయి. స్విచ్ బోర్డు దగ్ధమై.. కార్యాలయం మొత్తం నల్లటి పొగతో నిండిపోయి సైరన్ మోగింది. భయాందోళనకు గురైన ఖాతాదారులంతా బయటకు పరుగులు తీశారు. ప్రమాదంలో ఎలాంటి నష్టం జరగనందుకు అందరూ ఊపిరిపీల్చుకున్నారు.

ఇదీ చదవండిః రోహిత్​ను ఆ స్థానంలోనే ఆడించాలి: సెహ్వాగ్​