Pravallika Suicide Case Update : పోటీ పరీక్షలకు ప్రిపేరవుతూ హైదరాబాద్‌లో బలవన్మరణానికి పాల్పడిన ప్రవల్లిక ఆత్మహత్య కేసులో.. కీలక విషయాలు వెలుగులోకి వచ్చాయి. ప్రేమ వ్యవహారమే ప్రవల్లిక ఆత్మహత్యకు కారణమని.. పోలీసుల ప్రాథమిక దర్యాప్తులో తేలినట్లు డీసీపీ వెంకటేశ్వర్లు పేర్కొన్నారు. ఈ మేరకు కేసు వివరాలను వెల్లడించారు.
Pravallika Last Rites Complete : అశ్రునయనాల మధ్య ప్రవల్లికకు కన్నీటి వీడ్కోలు.. ముగిసిన అంత్యక్రియలు
Police Press Meet on Pravallika Suicide : వరంగల్ జిల్లా బిక్యానిపల్లి గ్రామానికి చెందిన మర్రి ప్రవల్లిక(Pravallika Suicide) వరంగల్ గీతాంజలి కళాశాలలో బీఎస్సీ పూర్తి చేసింది. గతేడాది పోటీ పరీక్షల శిక్షణకు హైదరాబాద్ వచ్చింది. 15 రోజుల క్రితం చిక్కడపల్లి అశోక్నగర్లోని బృందావన్ లేడీస్ హాస్టల్లో చేరింది. శృతి, అక్షయ, సంధ్య, ప్రవల్లిక ఒకే గదిలో ఉంటున్నారు. శుక్రవారం రాత్రి సుమారు 8 గంటల ప్రాంతంలో మిగిలిన ముగ్గురు భోజనానికి వెళ్లారు.
ఆ సమయంలో ప్రవల్లిక ఒక్కతే గదిలో ఉంది. మిగిలిన ముగ్గురు భోజనం ముగించుకొని గదికి వచ్చారు. గది తలుపునకు లోపలి నుంచి గడియ పెట్టి ఉండటంతో వారు తలుపులు పగులగొట్టారు. అప్పటికే ఆమె ఉరేసుకుని ఉండటంతో.. చిక్కడపల్లి పోలీసులకు సమాచారాన్ని అందించారు. పోలీసులు ఘటనా స్థలానికి చేరుకునేలోపు.. భారీ ఎత్తున జనం పోగయ్యారు. యువతి ఆత్మహత్య విషయం తెలియగానే స్థానిక కాంగ్రెస్, బీజేపీ నాయకులు, కార్యకర్తలు, విద్యార్థి సంఘాలు వసతి గృహం వద్ద ఆందోళన చేపట్టారని డీసీపీ వివరించారు.
Group2 Aspiring Student Pravallika Suicide : గ్రూప్-2 పరీక్షలు వాయిదా వేయడం వల్లే ప్రవల్లిక ఆత్మహత్య చేసుకుందంటూ.. శుక్రవారం రాత్రి నిరసన చేపట్టారన్నారు. ప్రవల్లిక వ్యక్తిగత కారణాలతోనే ఆత్మహత్య చేసుకుందని.. మృతురాలి రూమ్మేట్ సంధ్యతో చెప్పించాకే ఆందోళనకారులు గత్యంతరం లేని పరిస్థితుల్లో వెళ్లిపోయారన్నారు. నాయకులు, కార్యకర్తలను చెదరగొట్టి.. అర్ధరాత్రి ప్రవల్లిక మృతదేహాన్ని గాంధీ ఆసుపత్రి మార్చురీకి తరలించి పోస్టుమార్టం నిర్వహించి ప్రవల్లిక గ్రామానికి పంపించామన్నారు.
ప్రవల్లిక ఆత్మహత్య చేసుకున్న గదిలో లేఖ లభించిందన్నారు. శివరామ్ అనే యువకుడితో కొద్దికాలంగా ఛాటింగ్ జరుగుతోందని.. వాటిలో కొన్ని తొలగించినట్టు గుర్తించామని డీసీపీ పేర్కొన్నారు. తొలగించిన చాటింగ్ను రిట్రైవ్ చేస్తామన్నారు. ప్రస్తుతం ఆ యువకుడు పరారీలో ఉన్నట్టు తెలిపారు. కాల్ డేటా ఆధారంగా అతడిని పట్టుకునేందుకు ప్రత్యేక బృందాలను ఏర్పాటు చేశామన్నారు. ప్రవల్లిక 'గ్రూప్ 1 పరీక్ష రాశారా? లేదా అనే విషయంపై ఆరా తీస్తున్నామన్నారు. టీఎస్పీఎస్సీ నుంచి వివరాలను సేకరిస్తున్నామని తెలిపారు.
ప్రస్తుతం అనుమానాస్పద మృతిగా 174 ఐపీసీ కింద కేసు నమోదు చేశామని.. ఫోరెన్సిక్ నివేదిక ఆధారంగా కేసును 306 ఐపీసీ కింద మార్చి.. ప్రవల్లిక మృతికి కారణమైన శివరామ్ రాథోడ్పై చట్టపరమైన చర్యలు తీసుకుంటామని డీసీపీ తెలిపారు. విద్యార్థులు, రాజకీయ పార్టీలు, విద్యార్థి, సంఘాల నాయకులు వాస్తవాలు గుర్తించకుండా ఆవేశాలకు పోవద్దని డీసీపీ కోరారు. ధర్నాలు చేసి ట్రాఫిక్ అంతరాయం కలిగించినందుకు, పోలీసులను అడ్డుకున్నందుకు నాయకులపైనా కేసులు నమోదు చేశామని డీసీపీ వెంకటేశ్వర్లు తెలిపారు.
"ప్రేమ వ్యవహారమే.. ప్రవల్లిక ఆత్మహత్యకు దారి తీసింది. శివరామ్ రాథోడ్, ప్రవల్లిక ప్రేమించుకున్నట్లు.. ఇరువురి చాటింగ్లో గుర్తించాం. తనను మోసం చేసి.. శివరామ్ మరో యువతిని పెళ్లి చేసుకోబోతున్నట్లు చాటింగ్లో తేలింది. వ్యక్తిగత కారణాలతోనే ప్రవల్లిక మరణించినట్లు యువతి స్నేహితులు చెప్పారు. వీరి మధ్య చాటింగ్లు, సీసీటీవీ ఫుటేజీ, సూసైడ్నోట్ సేకరించాం. శివరామ్పై న్యాయపరంగా చర్యలు తీసుకుంటాం". - వెంకటేశ్వర్లు, డీసీపీ
పోటీపరీక్షలకు సిద్ధమవుతున్న యువతి ఆత్మహత్య.. విద్యార్థుల ఆందోళనతో అర్థరాత్రి ఉద్రిక్తత
