BJP State President Kishan Reddy on Telangana Assembly Elections 2023 Schedule : తెలంగాణ అసెంబ్లీ ఎన్నికలు(Telangana Assembly Elections 2023) షెడ్యూల్ ప్రకారమే జరుగుతాయని కేంద్రమంత్రి, బీజేపీ రాష్ట్ర అధ్యక్షుడు కిషన్రెడ్డి(BJP State president Kishan Reddy) అన్నారు. అసెంబ్లీ, పార్లమెంటుకు ఒకేసారి ఎన్నికలు జరగవని వెల్లడించారు. అలాగే బీఆర్ఎస్, బీజేపీ ఎప్పటికీ ఒక్కటి కావని స్పష్టం చేశారు.
ఇదిలా ఉండగా.. ఈ సంవత్సరం దేశంలో ఐదు రాష్ట్రాల్లో ఎన్నికలు జరగనుండగా.. అందులో ఒకటి తెలంగాణ రాష్ట్రం. అసెంబ్లీ ఎన్నికల సందర్భంగా రాష్ట్రంలో ఉన్న పార్టీలన్ని సన్నద్ధమవుతున్నాయి. అధికారం చేజిక్కించుకునేందుకు తమ వంతు ప్రయత్నాలు చేస్తున్నాయి. అధికార పార్టీకి ఈసారి ఎలాగైన గెలిచే అవకాశం ఇవ్వకుండా చూడాలని ప్రతిపక్ష పార్టీలు తమ వంతు కృషి చేస్తూ.. పార్టీ కార్యకర్తలను ఉత్తేజపరుస్తున్నాయి. అందులో భాగంగా ఎన్నికల్లో ప్రముఖ ఘట్టమైన అభ్యర్థుల ఎంపికలో కసరత్తులు చేస్తున్నాయి.
Kishan Reddy Fires On CM KCR : 'ఎన్నికల హామీలను అమలు చేయటంలో కేసీఆర్ విఫలమయ్యారు'
Telangana Congress MLA Candidates 2023 : ఇటీవలే కాంగ్రెస్(Telangana Congress MLAs List) తమ అభ్యర్థులను ప్రకటించేందుకు ఆశావహుల నుంచి దరఖాస్తులను స్వీకరించిన విషయం తెలిసిందే. వెయ్యికి పైగా దరఖాస్తులు రావడంతో పార్టీ ప్రాధాన నాయకులు ఎంపిక ప్రక్రియను మొదలు పెట్టారు. ఇప్పటికే ఈ అంశంపై స్క్రీనింగ్ కమిటీని వేసింది. ఈ నెల 15 తర్వాత కాంగ్రెస్ తమ అభ్యర్థుల తొలి జాబితాను ప్రకటించనుంది. ఇదే పంథాను తెలంగాణ బీజేపీ కూడా అనుసరిస్తోంది.
Telangana BJP MLAs Lists 2023 : అసెంబ్లీ ఎన్నికలకు పోటీ చేయాలని భావిస్తున్న నాయకుల నుంచి బీజేపీ దరఖాస్తులు(BJP MLA Ticket Applications) స్వీకరిస్తోంది. ఈ నెల 10వ తేదీ వరకు దరఖాస్తు స్వీకరణ ప్రక్రియ కొనసాగనుంది. దరఖాస్తు స్వీకరణ ప్రతి రోజు ఉదయం 10 గంటల నుంచి సాయంత్రం 4 గంటల వరకు తీసుకోనున్నారు. ఒక్కో నియోజకవర్గం నుంచి మూడు పేర్లతో జాతీయ నాయకత్వానికి నివేదిక పంపించనున్నట్లు సమాచారం. ఆశావహుల నుంచి దరఖాస్తుల స్వీకరణ పూర్తైన అనంతరం అభ్యర్థుల జాబితాను ప్రకటించాలని బీజేపీ పార్టీ(BJP Party) భావిస్తోంది. ఈ నెల 17 తర్వాత అభ్యర్థుల తొలి జాబితా(BJP MLA Candidates First List)ను ప్రకటించే అవకాశం ఉంది. టికెట్ కోసం ఆశావహులు భారీగా దరఖాస్తులు చేసుకునే అవకాశాలున్నాయని బీజేపీ వర్గాలు భావిస్తున్నాయి.
BJP Plans For Telangana Assembly Elections : ఎన్నికల్లో గెలిచేందుకు సత్ప్రవర్తన, మంచి వక్త.. ఇతర లక్షణాలు ఉన్న అభ్యర్థులను ఎంపిక చేసే పనిలో బీజేపీ ప్రణాళికలు చేస్తోంది. అధికార పార్టీ అయిన బీఆర్ఎస్ ఇప్పటికే దాదాపు తమ అభ్యర్థులను ఖరారు చేసింది. ఆయా అభ్యర్థులకు దీటుగా అభ్యర్థులను నిలిపేందుకు బీజేపీ పార్టీ కసరత్తు చేస్తోంది. ఈ క్రమంలోనే బలమైన అభ్యర్థుల కోసం దరఖాస్తులను ఆహ్వానిస్తోంది.
