టోక్యో ఒలింపిక్స్ సూపర్గా జరుగుతున్నాయి. అన్ని దేశాల క్రీడాకారులు అద్భుత ప్రదర్శన చేస్తూ, పతకాలు కొల్లగొడుతున్నారు. ఇందులో అన్ని క్రీడలు ఉన్నాయి కానీ క్రికెట్కు మాత్రం ఇప్పటికీ స్థానం లేదు. అరే అవును కదా! అనుకుంటున్నారు. క్రికెట్, ఒలింపిక్స్లో ఎందుకు లేదో ఎప్పుడైనా ఆలోచించారా?
ఒకే ఒక్క మ్యాచ్
ఒలింపిక్స్లో ఏకైక క్రికెట్ మ్యాచ్ను 1900 పారిస్ వేదికగా నిర్వహించారు. గ్రేట్ బ్రిటన్-ఫ్రాన్స్ తలపడ్డాయి. ఆగస్టు 19-20 తేదీల్లో ఈ మ్యాచ్ జరిగింది. గ్రేట్ బ్రిటన్ రజతం అందుకోగా, ఫ్రాన్స్ కాంస్య పతకం దక్కించుకుంది.
ఆపేయడానికి ఇవే కారణాలు
1900 తర్వాత ఒలింపిక్స్లో క్రికెట్ను పూర్తిగా ఆపేశారు. దానికి రెండు కారణాలు. ఒలింపిక్స్లో పాల్గొనే యూఎస్, రష్యా, చైనా, జర్మనీ, జపాన్ లాంటి దేశాలు.. ఈ ఆటపై పెద్దగా ఆసక్తి చూపకపోవడం.
అలానే ఓ క్రికెట్ మ్యాచ్ కోసం దాదాపు 4-5 గంటల కంటే ఎక్కువ సమయం వెచ్చించాల్సి రావడం ఈ ఆటను విస్మరించడానికి కారణంగా కనిపిస్తోంది.
బీసీసీఐ మాత్రమే ఆసక్తి
భారత క్రికెట్ బోర్డు మినహా ఇతర దేశాలు ఒలింపిక్స్లో క్రికెట్ను జోడించాలనే విషయమై అంత ఆసక్తి చూపలేదు.
ఒలింపిక్స్ ఆతిథ్య దేశాల్లో చాలావరకు క్రికెట్ స్టేడియాలు ఉండవు. ప్రత్యేకించి దీని కోసమే స్టేడియాలు నిర్మించి, వాటిని నిర్వహించడం వల్ల ఆతిథ్య దేశాలకు ఆర్థిక భారం పెరగొచ్చు. ఈ కారణాల వల్లే ఒలింపిక్స్లో క్రికెట్ను పెట్టాలనే ఆలోచనను పూర్తిగా విరమించుకున్నారు!
ఇవీ చదవండి:
