Malaysia masters PV Sindhu: మలేసియా మాస్టర్స్ ప్రపంచ టూర్‌ సూపర్‌ 500 బ్యాడ్మింటన్ టోర్నీలో భారత స్టార్ ప్లేయర్ పీవీ సింధు శుభారంభం చేసింది. బుధవారం జరిగిన తొలి రౌండ్లో చైనాకు చెందిన హి బింగ్‌ జియావొపై(He Bing Jiao) గెలిచింది. 21-13,17-21,21-15 తేడాతో విజయం సాధించింది. ఈ పోరు 57నిమిషాల పాటు సాగింది.
మరోవైపు స్టార్ షట్లర్ బీ సాయి ప్రణీత్ కూడా తొలి రౌండ్ను విజయంతో ముగించాడు. కెవిన్ కార్డెన్పై 21-8, 21-9 తేడాతో గెలిచాడు. ఈ పోరు 26నిమిషాల పాటు సాగింది. అయితే సమీర్ వర్మకు మాత్రం ఓటమి ఎదురైంది. తైవాన్కు చెందిన చో టైన్ చెన్పై(chou tien chen) 10-21,21-12,21-14 తేడాతో ఓడిపోయాడు.
అంతకుముందు మంగళవారం జరిగిన పోటీల్లో మహిళల డబుల్స్‌ తొలి రౌండ్లో గాయత్రి-ట్రెసా 14-21, 14-21తో పియర్లె టాన్‌-టిన్యా (మలేసియా) చేతిలో ఓటమి చవిచూశారు. మహిళల డబుల్స్‌లో భారత్‌కు చెందిన మరో రెండు జోడీలు ఇంటిముఖం పట్టాయి. అశ్విని భట్‌-శిఖా గౌతమ్‌ 7-21, 10-21తో యుకి-సయాక (జపాన్‌) చేతిలో ఓడగా.. పూజ దండు-ఆర్తి సారా 17-21, 17-21తో గాబ్రియెలా స్టొయివా-స్టెఫానీ స్టొయివా (బల్గేరియా) చేతిలో ఓటమి పాలయ్యారు. మహిళల సింగిల్స్‌లో మాల్విక బన్సోద్‌ 10-21, 17-21తో గో జిన్‌ వీయ్‌ (మలేసియా) చేతిలో ఓడింది.
ఇదీ చూడండి: టీమ్ఇండియాకు షాక్.. డబ్ల్యూటీసీ పాయింట్లలో కోత.. పాక్ కంటే దిగువకు..
