Iga Swiatek: డబ్ల్యూటీఏ (ఉమెన్స్ టెన్నిస్ అసోషియేషన్) మహిళల సింగిల్స్ ర్యాంకింగ్స్లో సోమవారం అగ్రస్థానానికి చేరుకుంది ఇగా స్వియాటెక్. దీంతో ప్రపంచ నెం.1 స్థానానికి చేరుకున్న తొలి పోలాండ్ క్రీడాకారిణిగా రికార్డు సృష్టించింది. మూడు సార్లు గ్రాండ్స్లామ్ విజేత, ఆస్ట్రేలియాకు చెందిన ఆష్లే బార్టీ 25 ఏళ్లకే అనూహ్యంగా ఇటీవలే రిటైర్మెంట్ ప్రకటించగా, ఆ స్థానంలోకి వచ్చి చేరింది స్వియాటెక్. రెండేళ్లకు పైగా ప్రపంచ నెం.1గా కొనసాగింది బార్టీ.
నవోమీ ఒసాకపై గెలిచి శనివారం మియామీ ఓపెన్ టైటిల్ను కైవసం చేసుకుంది స్వియాటెక్. దీంతో వరుసగా 17 మ్యాచ్ల్లో విజయాలను నమోదు చేసింది. గతవారం ఇండియన్ వెల్స్, ఫిబ్రవరిలో కతార్ ఓపెన్లను సైతం గెలిచింది స్వియాటెక్. తద్వారా.. ఒక సంవత్సరంలో తొలి మూడు డబ్ల్యూటీఏ 1000 ఈవెంట్స్ను గెలిచిన తొలి మహిళా క్రీడాకారిణిగా నిలిచింది.
ఇదీ చూడండి: ప్రపంచ ఛాంపియన్కు షాక్
