వీరేంద్ర సెహ్వాగ్​కు నెపోటిజం సెగ.. ఫైర్​ అవుతున్న నెటిజన్లు

టీమ్ఇండియా మాజీ క్రికెటర్​ వీరేంద్ర సెహ్వాగ్​కు నెపోటిజం సెగ తగిలింది. ఎక్కడి కెళ్లినా నెపోటిజం తప్పట్లేదంటూ నెటిజన్లు ఫైర్ అవుతున్నారు. దీనిపై పోస్టుల మీద పోస్టులు పెడుతున్నారు. ఇంతకీ ఏం జరిగిందంటే..

టీమ్ ​ఇండియా మాజీ ఓపెనర్ వీరేంద్ర సెహ్వాగ్​ పెద్ద కుమారుడు ఆర్యవీర్​ సెహ్వాగ్​పై నెపోటిజం విమర్శలు వెల్లువెత్తుతున్నాయి. ఎక్కడికి వెళ్లినా నెపోటిజం తప్పట్లేదంటూ సామాజిక మాధ్యమాల్లో పోస్టులు చేస్తున్నారు నెటిజన్లు. సచిన్​ తెందూల్కర్​ కూమారుడు అర్జున్​ తెందూల్కర్​ విషయం కూడా ప్రస్తావిస్తున్నారు. ఇంతకీ ఏం జరిగిందంటే..

డేరింగ్​, డ్యాషింగ్​ బ్యాటర్ వీరేంద్ర సెహ్వాగ్​​ కుమారుడు ఆర్యవీర్​ సెహ్వాగ్​ కుడా క్రికెట్​నే కెరీర్​గా ఎంచుకున్నాడు. కాగా, తాజాగా దిల్లీ క్రికెట్​ జట్టులో ఆర్యవీర్​కు చోటు లభించింది. 2022-23కి గాను విజయ్ మర్చంట్ ట్రోఫీలో భాగంగా దిల్లీ జిల్లా క్రికెట్ అసోసియేషన్, తమ క్రికెట్ జట్టును ప్రకటించింది. 15 మందిలో కూడిన అండర్-16 టీమ్​లో ఆర్యవీర్ పేరు కూడా ఉంది. తుది జట్టులో చోటు దక్కకపోయినా.. వీరూ ఆర్యవీర్​ 15 మందిలో ఉన్నాడు. అయితే ఆర్యవీర్ తుది జట్టులో లేకపోయినా.. నెపోటిజం అని కామెంట్స్ వర్షం కురిపిస్తున్నారు నెటిజన్లు. తన ఇన్‌ఫ్లూయెన్స్​తో వీరేంద్ర సెహ్వాగ్​​ తన కుమారుడిని అండర్ - 16 టీమ్​లో చేర్పించాడని విమర్శిస్తున్నారు. ఎంతో మంది ప్రతిభ కలిగిన క్రికెటర్లు ఉన్నా ఆర్యవీర్ పేరును చేర్చడానికి గల కారణాలను డీడీసీఏ వివరించాలని డిమాండ్ చేస్తున్నారు. ఇదివరకు నెపోటిజం సినిమాల్లో, రాజకీయాల్లో చూశాం.. ఇప్పుడు క్రికెట్​లోకి కూడా వచ్చేసింది అని ట్రోల్​ చేస్తున్నారు. కాగా సచిన్​ తెందూల్కర్​.. అర్జున్​ తెందూల్కర్​పై కూడా నెపోటిజం విమర్శలు వచ్చాయి.

ఇవీ చదవండి : 'నా ఫ్యామిలీని బలి చేయలేను'.. ఆసీస్​ క్రికెట్​ బోర్డ్​పై వార్నర్​ ఫుల్​ సీరియస్​