Sandeep Lamichhane Rape Case : ఓ మైనర్పై అత్యాచారం చేసిన కేసులో నేపాల్ క్రికెట్ టీమ్ మాజీ కెప్టెన్‌ సందీప్ లామిచ్చెన్‌ను కాఠ్ మాండూ జిల్లా కోర్డు దోషిగా తేల్చింది. గతేడాది ఆగస్టులో కాఠ్ మాండూలోని ఓ హోటల్లో సందీప్ తనపై అత్యాచారానికి పాల్పడ్డాడంటూ ఓ మైనర్ బాలిక కోర్టును ఆశ్రయించింది. దీంతో కొన్నాళ్ల కేసు నమోదు చేసుకున్న పోలీసులు దర్యాప్తు ప్రారంభించారు. కరీబియన్ ప్రీమియర్ లీగ్ పూర్తి చేసుకొని నేపాల్కు తిరిగి వచ్చిన సందీప్ను పోలీసులు ఎయిర్ పోర్టులోనే అదుపులోకి తీసుకున్నారు. గత ఏడాది నవంబర్లో అతడ్ని జైలుకు తరలించాలని కోర్టు ఆదేశించింది. అయితే హై కోర్టుకు వెళ్లి సందీప్ బెయిల్ తెచ్చుకున్నాడు. కాగా, తాజాగా కోర్టు అతడ్ని దోషిగా నిర్ధారించింది. శిశిర్ రాజ్ ధాకల్‌తో కూడిన ఓ సింగిల్ బెంచ్ ధర్మాసనం ఈ తీర్పును వెలువరించింది.
తొలి నేపాల్ ప్లేయర్: సందీప్ లామిచెనె ఐపీఎల్లో ఆడిన తొలి నేపాల్ ప్లేయర్గా గుర్తింపు పొందాడు. అతడు 2018లో దిల్లీ క్యాపిటల్స్ (అప్పటి దిల్లీ డేర్ డెవిల్స్) జట్టుతో ఐపీఎల్లో అరంగేట్రం చేశాడు. కెరీర్లో రెండు సీజన్లో ఆడిన సందీప్ 9 మ్యాచ్ల్లో 13 వికెట్లు పడగొట్టాడు. ఇక ఐపీఎల్తో పాటు సందీప్ బిగ్బాష్ లీగ్, పాకిస్థాన్ టీ20 లీగ్ల్లో ఆడుతున్నాడు.
అంతర్జాతీయ రికార్డులు: అఫ్గానిస్థాన్ పలు విజయాల్లో కీలకపాత్ర పోషించాడు సందీప్ లామిచెనె. వన్డేల్లో అత్యధిక వేగంగా 50 వికెట్లు తీసిన రెండో బౌలర్గా సందీప్ రికార్డులకెక్కాడు. అటు పొట్టి ఫార్మాట్లోనూ సందీప్ మెరుగైన ప్రదర్శన కనబర్చాడు. టీ20ల్లో కూడా వేగంగా 50 వికెట్ల మార్క్ అందుకున్న మూడో బౌలర్గా నిలిచాడు. ఇక అంతర్డాతీయంగా 51 వన్డేల్లో 112, 52 టీ20 మ్యాచ్ల్లో 98 వికెట్లు పడగొట్టాడు. ఇక వన్డేల్లో 2023 ఆసియా కప్లో భారత్తో చివరి మ్యాచ్ ఆడాడు. టీ20ల్లో చివరిసారిగా గతనెలలో జరిగిన అఫ్గానిస్థాన్- ఒమన్ మ్యాచ్లో ఆడాడు. ఈ మ్యాచ్లో ఆఫ్గానిస్థాన్కు ప్రాతినిధ్యం వహించిన సందీప్ 2 వికెట్లు దక్కించుకున్నాడు.
అదరగొట్టిన అఫ్గాన్ బ్యాటర్లు - ఆసీస్ ముందు భారీ లక్ష్యం!
మెగాటోర్నీలో సంచలనాలకు కేరాఫ్ అడ్రస్గా అఫ్గాన్-సెమీస్ చేరేందుకు ఇంకా ఛాన్స్!
