Rohit Sharma Captaincy: భారత్-విండీస్ మధ్య ఆదివారం నుంచి మూడు వన్డేల సిరీస్ ప్రారంభం కానుంది. ఈ సిరీస్కు టీమ్ఇండియా ఓపెనర్ రోహిత్శర్మ సారథ్యం వహించనున్నాడు. విరాట్ కోహ్లీ నుంచి పగ్గాలు అందుకున్న తర్వాత పూర్తిస్థాయి కెప్టెన్గా జట్టుకు సారథ్యం వహించనుండటం రోహిత్కు ఇదే తొలిసారి. ఈ నేపథ్యంలో రోహిత్ శర్మ కెప్టెన్సీపై కీలక వ్యాఖ్యలు చేశాడు టీమ్ఇండియా మాజీ బౌలర్ అజిత్ అగార్కర్. ఫిట్గా ఉండటమే రోహిత్కు ఉన్న అతిపెద్ద సవాల్ అని అభిప్రాయపడ్డాడు.
"పరిమిత ఓవర్ల క్రికెట్కు ఒక్కరే కెప్టెన్ ఉండాలనే నిర్ణయం సరైనదే. రోహిత్ కెప్టెన్గా రాణిస్తాడు. కానీ అతని ముందున్న అతిపెద్ద సవాల్ ఫిట్నెస్. నా దృష్టిలో ఇప్పటినుంచి ప్రపంచకప్ వరకు ఫిట్గా ఉంటూ మెరుగైన ప్రదర్శన చేయాలి. మాజీ కెప్టెన్లు విరాట్ కోహ్లీ, ఎంఎస్ ధోనీలకు ఫిట్నెసే బలం. మ్యాచ్లకు వాళ్ల గైర్హాజరు కావడం చాలా అరుదు"
-అజిత్ అగార్కర్, మాజీ బౌలర్
గతేడాది.. వన్డే, టీ20ల కెప్టెన్గా కోహ్లీ స్థానంలో రోహిత్ శర్మను బీసీసీఐ నియమించింది. దక్షిణాఫ్రికా పర్యటనలో రోహితే జట్టుకు సారథ్యం వహించాల్సింది. కానీ తొడకండరాల సమస్యల కారణంగా సిరీస్కు దూరమయ్యాడు.
ఇదీ చూడండి : పుజారాలా డిఫెన్స్‌.. సెహ్వాగ్‌లా ఎదురు దాడి చేయగలడు!
