టీమ్ఇండియాలో తనకు ఇష్టమైన క్రికెటర్ పేరును చెప్పాడు ఆస్ట్రేలియా స్టార్ బ్యాట్స్మన్ స్టీవ్ స్మిత్. యువ ఆటగాడు కేఎల్ రాహుల్ ఆట బాగా నచ్చుతుందని చెప్పాడు. అందుకే అతడి బ్యాటింగ్కు తాను ముగ్ధుడయ్యాడని అన్నాడు. ఈ విషయాన్ని తాజాగా జరిగిన ఇన్స్టా లైవ్లో ఓ అభిమాని అడిగిన ప్రశ్నకు ఇలా సమాధానమిచ్చాడు. అయితే కోహ్లీ పేరు చెప్పకపోవడం క్రికెట్ ప్రేమికుల్ని ఆశ్చర్యపరిచింది.
భారత జట్టులోని స్టార్ క్రికెటర్లలో రాహుల్ను ఒకడని, ప్రస్తుతం మంచి ఫామ్లో ఉన్నాడని స్మిత్ చెప్పుకొచ్చాడు. ఇటీవలే ఇంగ్లాండ్ జట్టు ఫాస్ట్బౌలర్ జోఫ్రా ఆర్చర్ మాట్లాడుతూ.. తాను ఎదుర్కొన్న కఠినమైన బ్యాట్స్మెన్లో రాహుల్ ఒకడని తెలిపాడు.
ఐపీఎల్లో కింగ్స్ ఎలెవన్ పంజాజ్కు కెప్టెన్గా ఉన్న రాహుల్.. 2019 సీజన్లో అత్యధిక పరుగుల చేసిన బ్యాట్స్మెన్లో రెండో స్థానంలో నిలిచాడు. ప్రస్తుతం లాక్డౌన్తో ఇంట్లో ఉన్న ఇతడు.. సామాజిక మాధ్యమాల ద్వారా అభిమానులతో టచ్లో ఉన్నాడు.
ఇది చూడండి : 'ఆ విషయంలో టీమ్ఇండియాకు భయం పోయింది'
