ఆస్ట్రేలియా పర్యటనకు టీమ్ఇండియా వైస్కెప్టెన్గా ఎంపికవ్వడంపై ఓపెనర్ కేఎల్ రాహుల్ సంతోషాన్ని వ్యక్తం చేశాడు. జట్టులో తనకు దక్కిన కొత్త నాయకత్వ బాధ్యత తనకు గర్వకారణమని తెలిపాడు.
"ఇది గర్వించదగ్గ క్షణం. వైస్కెప్టెన్ అవుతానని నేను ఊహించలేదు. చాలా సంతోషంగా ఉంది. ఈ బాధ్యతను ఓ సవాలుగా స్వీకరిస్తాను. నా జట్టు కోసం తగిన కృషి చేస్తాను. ఆస్ట్రేలియా పర్యటన కోసం ఎంతో ఆసక్తిగా ఎదురూచూస్తున్నా. దాని కంటే ముందు 2-3 వారాలు చాలా ముఖ్యమైనవి. ఆ తర్వాతి 2-3 నెలలు కూడా ముఖ్యమైనవే. కానీ, ప్రస్తుతం అంతదూరం ఆలోచించకుండా నేను చేసే పనిమీద దృష్టి సారిస్తా."
-కేఎల్ రాహుల్
భారత జట్టుకు పరిమిత ఓవర్లలో వైస్కెప్టెన్గా వ్యవహరిస్తున్న రోహిత్ శర్మ గాయం కారణంగా ఆస్ట్రేలియా పర్యటనకు దూరమయ్యాడు. ఫలితంగా ఆ బాధ్యతను సెలెక్టర్లు కేఎల్ రాహుల్కు అప్పగించారు. జాతీయ జట్టులోకి వచ్చిన తక్కువ సమయంలోనే వైస్కెప్టెన్గా కేఎల్ రాహుల్ ఎంపికవ్వడం విశేషం.
యూఏఈ వేదికగా జరుగుతున్న ప్రస్తుత ఐపీఎల్ సీజన్లో కేఎల్ రాహుల్ అద్భుతమైన ప్రదర్శనతో ఆకట్టుకుంటున్నాడు. తన బ్యాట్తో పరుగుల వరద పారించి పర్పుల్ క్యాప్ రేసులో మొదటి నుంచి అగ్రస్థానంలో కొనసాగుతున్నాడు. మరోవైపు కింగ్స్ ఎలెవన్ పంజాబ్ కెప్టెన్గా లీగులో 5 పరాజయాల తర్వాత 5 వరుస విజయాలను నమోదు చేసుకోవడంలో కీలక పాత్ర పోషించాడు. టోర్నీలో పంజాబ్ ఆడాల్సిన మరో రెండు మ్యాచ్ల్లో విజయం సాధిస్తే ప్లేఆఫ్స్కు వెళ్లే అవకాశాలు మరింత మెరుగువుతాయి.
