టీమిండియా మాజీ కెప్టెన్ మహేంద్ర సింగ్ ధోనీని మైదానంలో చూసి చాలా రోజులైంది. గతేడాది వన్డే ప్రపంచకప్లో చివరగా ఆడిన మహీ.. ఆ తర్వాత ఆటకు తాత్కాలిక విరామం ప్రకటించాడు. ప్రస్తుత ఐపీఎల్ సీజన్లో బరిలోకి దిగి, భారత జట్టులో తిరిగి చోట్టు దక్కించుకోవాలని భావించాడు. అయితే కరోనా వల్ల ఐపీఎల్ నిరవధిక వాయిదా పడింది. దీంతో ధోనీ మనసు మార్చుకున్నాడని, వచ్చే ఏడాది జరిగే దేశవాళీ లీగ్ సయ్యద్ ముస్తాక్ అలీ ట్రోఫీ ఆడేందుకు సిద్ధమవుతున్నాడని సమాచారం. లాక్డౌన్ ముగిసిన తర్వాత దీనిపై స్పషత వచ్చే అవకాశముంది.
మహీ రీఎంట్రీ గురించి మాట్లాడిన ఝార్ఖండ్ క్రికెట్ సంస్థ ప్రతినిధి ఒకరు.. ఇప్పటికే జేఎస్సీఏ అంతర్జాతీయ మైదానంలో ధోనీ ప్రాక్టీసుకు వచ్చాడని, ఆ సమయంలో అధికారులతో, సయ్యద్ ముస్తాక్ అలీ ట్రోఫీలో పాల్గొనే విషయమై చర్చించాడని తెలిపారు.
2007లో మాత్రమే ఝార్ఖండ్ తరఫున బరిలోకి దిగాడు ధోనీ. ఆ సీజన్లో నాలుగు మ్యాచ్లాడి 123 పరుగులు చేశాడు.
ఇదీ చూడండి : 'అలా అయితే ఈ ఏడాది భారత్‌లోనే టీ20 ప్రపంచకప్'
