విశాఖపట్నంలో జరిగిన రెండో వన్డేలో ఘోర ఓటమిని అందుకున్న టీమ్ఇండియా.. చెన్నై చిదంబకరం స్డేడియం వేదికగా జరిగిన మూడో వన్డేలోనూ ఓటమిని తన ఖాతాలో వేసుకుంది. ఫలితంగా ఉత్కంఠగా సాగిన ఈ మ్యాచ్లో భారత జట్టుపై విజయం సాధించింది ఆస్ట్రేలియా. దీంతో ఆసీస్.. వన్డే సిరీస్ను సొంతం చేసుకుని ఫుల్ జోష్గా సంబరాలు చేసుకుంది. ఈ మ్యాచ్లో 21 పరుగుల తేడాతో విజయం సాధించిన ఆసీస్.. మూడు మ్యాచుల వన్డే సిరీస్ను 2-1తేడాతో కైవసం చేసుకుంది. 270 పరుగుల భారీ లక్ష్యంతో బరిలోకి దిగిన టీమ్ఇండియా.. 49.1 ఓవర్లలో 248 పరుగులు మాత్రమే చేసి ఆలౌట్ అయింది. హాఫ్ సెంచరీతో ఆకట్టుకున్న విరాట్ కోహ్లీ(54) టాప్ స్కోరర్. హార్దిక్ పాండ్య (40; 40 బంతుల్లో 3x4, 1x6) భారీ ఇన్నింగ్స్ ఆడటానికి ప్రయత్నించినా కుదరలేదు. కెప్టెన్ రోహిత్ శర్మ (30; 17 బంతుల్లో 2x4, 2x6) దూకుడుగా ఆడినా తక్కువ స్కోరు మాత్రమే చేసి ఔట్ అయిపోయాడు. శుభ్‌మన్‌ గిల్ (37), కేఎల్ రాహుల్ (32) పర్వాలేదనిపించేలా ఆడారు. జడేజా(18), షమి (14), కుల్దీప్ యాదవ్(6) పరుగులు చేశారు. ఇకపోతో తొలి రెండు మ్యాచ్ల్లోనూ గోల్డెన్ డకౌట్గా వెనుదిరిగిన సూర్యకుమార్‌ యాదవ్ (0).. ఈ మూడో మ్యాచ్లోనూ మరోసారి గోల్డెన్ డక్‌గా పెవిలియన్ చేరాడు. చివర్లో వచ్చిన మహ్మద్ సిరాజ్(3*) నాటౌట్గా నిలిచాడు. ప్రత్యర్థి జట్టు ఆసీస్ బౌలర్లలో అడం జంపా నాలుగు వికెట్లు పడగొట్టగా.. అష్టన్ ఆగర్ 2, మార్కస్ స్టొయినిస్, సీన్ అబాట్ ఓ వికెట్ తీశారు.
అంతకుముందు .. టాస్‌ గెలిచి ఫస్ట్ బ్యాటింగ్ చేసిన ఆసీస్.. 49 ఓవర్లలో 269 పరుగులు చేసి ఆలౌట్ అయింది. ఓపెనర్లు ట్రావిస్ హెడ్(31 బంతుల్లో 33, 4x4, 2x6 ), మిచెల్ మార్ష్(47 బంతుల్లో 47, 8 x4, 1x6) రాణించారు. కెప్టెన్ స్టీవ్ స్మిత్‌ (0) డకౌటయ్యాడు. మిడిలార్డర్లో అలెక్స్ క్యారీ(46 బంతుల్లో 38, 2x4, 1x6) పర్వాలేదనిపించాడు. మార్నస్‌ లబుషేన్‌ (28), సీన్ అబాట్ (26), స్టాయినిస్ (25), డేవిడ్ వార్నర్‌ (23), అగర్‌ (17), మిచెల్ స్టార్క్ (10*), ఆడమ్ జంపా (10) రన్స్ చేశారు. టీమ్ఇండియా బౌలర్లలో హార్దిక్ పాండ్య(3/44), కుల్దీప్ యాదవ్(3/56) తలో మూడు వికెట్లు తమ ఖాతాలో వేసుకున్నారు. అక్షర్ పటేల్(2/57), మహ్మద్ సిరాజ్(2/37) తలో రెండు వికెట్లు సాధించారు.
ఇదీ చూడండి: IND VS AUS: డక్, డక్, డక్.. మూడు వన్డేల్లోనూ సూర్య గోల్డెన్ డక్!
