ఆస్ట్రేలియాతో చివరిదైన మూడో టీ20లోనూ టీమ్ఇండియా మహిళా జట్టు ఓడిపోయింది. ఆదివారం జరిగిన ఈ మ్యాచ్లో 14 పరుగుల తేడాతో అతిథ్య జట్టు విజయం సాధించింది.
టాస్ గెలిచిన భారత జట్టు బౌలింగ్ ఎంచుకుంది. దీంతో బ్యాటింగ్కు దిగిన ఆసీస్.. నిర్ణీత 20 ఓవర్లలో 5 వికెట్ల నష్టానికి 149 పరుగులు చేసింది. బెత్ మూవీ అత్యధికంగా 61 పరుగులు చేసింది. చివర్లో వచ్చిన తహిలా మెక్గ్రాత్ 44 పరుగులతో అదరగొట్టింది. మిగిలిన వారిలో లానింగ్ 14, వార్హెమ్ 13 పరుగులు చేశారు. టీమ్ఇండియా బౌలర్లలో రాజేశ్వరి గైక్వాడ్ 2, రేణుక, పూజా, దీప్తి తలో వికెట్ తీశారు.
ఛేదనలో భారత్ 20 ఓవర్లు పూర్తిగా ఆడి 135 పరుగులే చేయగలిగింది. ఓపెనర్ స్మృతి మంధాన 52, జెమీమా 23, రిచా ఘోష్ 23 మాత్రమే బాగా ఆడారు. మిగిలిన బ్యాట్స్ఉమెన్ తేలిపోవడం వల్ల మ్యాచ్తో పాటు సిరీస్ కూడా చేజారిపోయింది.
తొలి మ్యాచ్ వర్షం కారణంగా రద్దవగా, తర్వాత రెండు టీ20ల్లోనూ ఆసీస్ విజయం సాధించింది. అంతకుముందు మూడు వన్డేల సిరీస్లోనూ భారత్ 1-2 తేడాతో ఓడిపోయింది. ఈ రెండు జట్ల మధ్య జరిగిన ఏకైక టెస్టు డ్రాగా ముగిసింది.
