బాలీవుడ్ హీరో వరుణ్ ధావన్.. తనపై వస్తున్న పుకార్లకు స్వస్తి పలకాలని నిర్ణయించారు. గురువారం తనకు సంబంధించిన ఓ విషయాన్ని చెబుతానని ఇన్స్టాలో వెల్లడించారు. "ఈ విషయాన్ని ఇకపై దాచిపెట్టాలనుకోవడం లేదు. రేపు(గురువారం) మీ వదినను మీ అందరికీ పరిచయం చేద్దామని నిర్ణయించుకున్నాను" అని వరుణ్ ఆ వీడియోలో చెప్పారు.
చిన్ననాటి స్నేహితురాలు నటాషా దలాల్తో వరుణ్ రిలేషన్లో ఉన్నట్లు ఎప్పటినుంచో ప్రచారం సాగుతోంది. అయితే ఈ వీడియోలో చెప్పిన వదిన వెండి తెరపైనా? లేదా నిజ జీవితంలోనా? అనే ఆలోచనలో పడ్డారు అతడి అభిమానులు. దీనిపై స్పష్టత రావాలంటే గురువారం వరకు వేచి చూడాల్సిందే.
క్రిస్మస్కు 'కూలీ నం.1'
వరుణ్ ధావన్, సారా అలీఖాన్ జంటగా నటించిన 'కూలీ నం.1'.. క్రిస్మస్ కానుకగా ప్రేక్షకుల ముందుకు రానుంది. 1995లో వచ్చిన 'కూలీ నెం.1'కు ఇది రీమేక్. డిసెంబరు 25న అమెజాన్‌ ప్రైమ్‌ వేదికగా విడుదల కానుంది. వరుణ్ తండ్రి డేవిడ్‌ ధావన్ ఈ చిత్రానికి దర్శకత్వం వహించారు.
ఇదీ చూడండి: ప్రేమించి పెళ్లిచేసుకున్నోడు 'కూలీ' అని తెలిస్తే..!
