తమిళ స్టార్ హీరో సూర్య(Suriya).. విభిన్న చిత్రాలతో తనకంటూ ప్రత్యేక గుర్తింపు తెచ్చుకున్నారు. ఇటీవల 'ఆకాశం నీ హద్దురా' వంటి ప్రయోగాత్మక చిత్రంతో సూపర్హిట్ను అందుకున్న ఆయన.. ప్రస్తుతం తన 40వ సినిమాతో బిజీగా ఉన్నారు. ఈ చిత్రం గురించి ఓ వార్త నెట్టింట్లో ఇప్పుడు చక్కర్లు కొడుతోంది. యదార్థ ఘటన నేపథ్యంలో దీన్ని రూపొందించబోతున్నట్లు జోరుగా ప్రచారం సాగుతోంది.
తమిళనాడు పొల్లాచిలో రెండేళ్ల క్రితం జరిగిన గ్యాంగ్రేప్ దేశవ్యాప్తంగా సంచలనం సృష్టించింది. ఈ అత్యాచార ఘటన నేపథ్యంలోనే సూర్య కొత్త సినిమా ఉండబోతున్నట్లు జోరుగా ప్రచారం సాగుతోంది. అత్యాచారం చేసిన నేరగాళ్లను శిక్షించే పవర్ఫుల్ పాత్రలో సూర్య కనిపించబోతున్నట్లు తెలుస్తోంది.
ఇప్పటికే విడుదలైన ఈ సినిమా పోస్టర్ అభిమానుల్లో ఆసక్తి రేపుతోంది. జులై 23న సూర్య పుట్టినరోజు సందర్భంగా ఈ ప్రాజెక్ట్కు సంబంధించి కొత్త అప్డేట్ ఏమైనా వస్తుందేమోనని అభిమానులు ఆసక్తిగా ఎదురుచూస్తున్నారు. సూర్య.. ఈ మూవీతో పాటు మరో రెండు చిత్రాలు చేస్తున్నారు.
ఇదీ చూడండి: SureshRaina: క్రికెటర్ రైనా బయోపిక్లో సూర్య?
