Varuntej ghani movie: మెగాహీరో వరుణ్ తేజ్ 'గని'.. త్వరలో థియేటర్లలో రిలీజ్ కానుంది. ఈ క్రమంలో పాటలు రిలీజ్ చేస్తూ, ప్రచారం ఫుల్గా చేస్తున్నారు. 'రోమియో జూలియట్' అనే సాంగ్ను ఫిబ్రవరి 8న విడుదల చేయనున్నారు. అయితే ఈ పాటకు సంబంధించిన ఓ విషయం తెగ ఆసక్తి కలిగిస్తోంది.
Adithi shankar ghani: పాన్ ఇండియా స్థాయిలో రామ్చరణ్తో ప్రస్తుతం సినిమా తీస్తున్న డైరెక్టర్ శంకర్. తమిళంలో ఎన్నో అద్భుతమైన చిత్రాల్ని తెరకెక్కించిన ఆయన #RC15 వర్కింగ్ టైటిల్తో ఈ చిత్రాన్ని తీస్తున్నారు. శంకర్ కుమార్తె అదితీ శంకర్.. తమిళంలో హీరోయిన్గా పరిచయమవుతోంది. కార్తి 'విరుమన్'లో కథానాయికగా చేస్తోంది. ఇప్పుడు సింగర్గానూ మెప్పించేందుకు రెడీ అయిపోయింది. తమన్ సంగీతమందించిన 'రోమియో జూలియట్' పాట పాడింది.
బాక్సింగ్ నేపథ్య కథతో తీసిన 'గని'లో వరుణ్ తేజ్ సరసన సయీ మంజ్రేకర్ హీరోయిన్గా నటించింది. కిరణ్ కొర్రపాటి దర్శకత్వం వహిస్తున్నారు. ఈ సినిమా ఫిబ్రవరి 25 లేదా మార్చి 4న రిలీజ్ చేస్తామని ఇటీవల ప్రకటించారు.
ఇవీ చదవండి: