హీరో విజయ్ దేవరకొండ-దర్శకుడు పూరీ జగన్నాథ్ దర్శకత్వంలో తెరకెక్కుతున్న సినిమా 'లైగర్'. ప్రస్తుతం చిత్రీకరణ జరుపుకుంటోంది. హీరోయిన్గా అనన్య పాండే నటిస్తుండగా.. కీలక పాత్రలో రమ్యకృష్ణ కనిపించనుంది. అయితే ఈ చిత్రంలో ప్రముఖ డ్యాన్సర్, నటుడు ప్రభుదేవా భాగస్వామ్యం కానున్నాడా? అనే ప్రశ్న అభిమానుల్లో రేకెత్తుతోంది. ఈ సినిమాలో ప్రభు నటించనున్నాడా లేదా ఏదైనా స్పెషల్ సాంగ్కు కొరియోగ్రఫీ చేయనున్నాడా అని నెటిజన్లు తెగ చర్చించుకుంటున్నారు.
ఆదివారం ఈ చిత్ర సహ నిర్మాత ఛార్మి, పూరీ జగన్నాథ్.. ప్రభుదేవాతో కలిసి దిగిన ఫొటోను పోస్ట్ చేయడమే ఈ ఊహాగానాలకు కారణం. ప్రస్తుతం ఈ ఫొటో సామాజిక మాధ్యమాల్లో వైరల్గా మారింది. పాన్ ఇండియాగా తెరకెక్కుతున్న ఈ సినిమా తెలుగు, తమిళ, మలయాళ, కన్నడ, హిందీ భాషల్లో సెప్టెంబరు 9న థియేటర్లలో విడుదల కానుంది.
ఇదీ చూడండి : 'లైగర్' విజయ్ దేవరకొండ వచ్చేస్తున్నాడు
