'బాహుబలి' సృష్టించిన ప్రభంజనం అంతా ఇంతా కాదు. ఫలితంగా టాలీవుడ్ యంగ్ రెబెల్ స్టార్ ప్రభాస్.. పాన్ ఇండియా స్టార్గా ఎదిగాడు. ప్రభాస్కు వచ్చిన క్రేజ్తో అతడితో సినిమాలు కూడా పా న్ ఇండియా స్థాయిలోనే తెరకెక్కుతున్నాయి. 'రాధే శ్యామ్', 'సలార్', 'ఆదిపురుష్', 'ప్రాజెక్ట్ కె', నాగ్ అశ్విన్ల చిత్రాలు కనీవినీ ఎరుగని రీతిలో భారీ స్థాయిలో రూపుదిద్దుకుంటున్నాయి. దేశవ్యాప్తంగా అశేష అభిమానగణాన్ని సంపాదించుకున్న ప్రభాస్.. మరో ఘనత సాధించాడు.
ఫేస్బుక్లో అత్యధిక మంది అనుసరిస్తున్న టాప్ 10 భారతీయ స్టార్లలో దక్షిణ భారతం నుంచి చోటుదక్కించుకున్న ఏకైక హీరో ప్రభాస్. 2.4 కోట్ల ఫాలోవర్లతో ఈ జాబితాలో ప్రభాస్ 9లో స్థానంలో నిలిచాడు. బాలీవుడ్ కండల వీరుడు సల్మాన్ ఖాన్ (5కోట్లు) అగ్రస్థానంలో ఉండగా.. అక్షయ్ కుమార్(4.8కోట్లు), షారుక్ ఖాన్(4.2కోట్లు), అమితాబ్ బచ్చన్ టాప్ 5లో ఉన్నారు.
కాగా, ఇటీవలే ఓ ఆసియా మేగజైన్ ప్రభాస్ను మోస్ట్ హ్యాండ్సమ్ ఆసియా వ్యక్తిగా గుర్తించింది.
ఇదీ చూడండి: ఈ సంక్రాంతికి ఎంటర్టైన్మెంట్ మామూలుగా ఉండదు!
