మంగళవారం(ఫిబ్రవరి 23) భీష్మ ఏకాదశి సందర్భంగా నటసింహ నందమూరి బాలకృష్ణ.. 'ఎన్టిఆర్ కథానాయకుడు' చిత్రంలో తాను భీష్ముని పాత్రలో నటించిన కొన్ని స్టిల్స్ను విడుదల చేశారు. ఈ సందర్భంగా ఆసక్తికర వ్యాఖ్యలు చేశారు.
"భీష్మ పాత్రంటే నాకెంతో ఇష్టం. నాన్న ఆయన వయసుకు మించిన భీష్మ పాత్ర పోషించిన ప్రేక్షకుల విశేష ఆదరాభిమానాలను అందుకున్నారు. ఆ చిత్రం, అందులోని నాన్న నటించిన భీష్ముని పాత్ర నాకెంతో ఇష్టం. అందుకే 'ఎన్టిఆర్ కథానాయకుడు'లో భీష్ముని సన్నివేశాలు తీశాం. నిడివి ఎక్కువ కావడం వల్ల వాటిని సినిమాలో ఉంచడం కుదరలేదు. ఇవాళ భీష్మ ఏకాదశి పర్వదిన సందర్భంగా ఆ పాత్రకు సంబంధించిన ఫొటోలను ప్రేక్షకులు, అభిమానులతో పంచుకోవాలనుకుంటున్నాను" అని చెప్పారు.
ఇది చదవండి: ఆ కారు పంపిస్తేనే షూటింగ్‌కు వస్తానన్న బాలకృష్ణ!
