కరోనా నుంచి పూర్తిగా కోలుకున్న బాలీవుడ్ హీరోయిన్ కత్రినా కైఫ్ వరుస సినిమా షూటింగ్లతో బిజీ అయిపోయింది. ఈ నేపథ్యంలో కత్రినా తదుపరి చిత్రం గురించి తాజా అప్‌డేట్‌ వచ్చింది. శ్రీరామ్‌రాఘవన్‌ దర్శకత్వంలో రాబోతున్న ఓ చిత్రంలో తమిళ హీరో విజయ్‌సేతుపతి సరసన కథానాయకగా నటించేందుకు ఆమెను సంప్రదించినట్లు సమాచారం. అయితే దీనిపై అధికారిక ప్రకటన రాలేదు.
అయితే వీరిద్దరి కాంబినేషన్లో 'మెరీ క్రిస్మస్' అనే చిత్రం రూపొందనుందని గతంలో వార్తలు వచ్చాయి. త్వరలోనే షూటింగ్ ప్రారంభించనున్నామని నిర్మాత రమేశ్ తౌరు ఇటీవలే ఓ ఇంటర్వ్యూలో వెల్లడించారు. ఏప్రిల్లోనే మొదలవ్వాల్సిన ఈ సినిమా షూటింగ్.. కత్రినాకు కరోనా రావడం వల్ల నిలిచిపోయింది. ఆ తర్వాత సెకండ్ వేవ్ ప్రభావంతో షూటింగ్లు ఆగిపోయాయి. అయితే జులైలో చిత్రీకరణ ప్రారంభించాలని అనుకుంటున్నట్లు నిర్మాత రమేశ్ తెలిపారు.
ఇదే కాకుండా విజయ్ సేతుపతి 'ముంబయికర్', 'గాంధీ టాక్స్', రాజ్-డీకే దర్శకత్వంలో వెబ్ సిరీస్లో నటిస్తున్నారు. వీటి షూటింగ్ కూడా కరోనా కారణంగా ఎక్కడికక్కడే నిలిచిపోయాయి.
ఇదీ చూడండి: 'శాకినీ-ఢాకినీ'గా రెజీనా, నివేదా!
