BoAt Lunar Pro LTE Smartwatch Launch : భారతదేశానికి చెందిన ఆడియో & వేరబుల్స్ బ్రాండ్ 'బోట్' (boAt) లూనార్ ప్రో ఎల్టీఈ స్మార్ట్వాచ్ను త్వరలో లాంఛ్ చేయనుంది. దేశీయ టెలికాం దిగ్గజం రిలయన్స్ జియో భాగస్వామ్యంతో ఈ కటింగ్-ఎడ్జ్ స్మార్ట్వాచ్ను తీసుకురానుండడం విశేషం.
గేమ్ ఛేంజర్!
'ఈ బోట్ లూనార్ ప్రో ఎల్టీఈ స్మార్ట్వాచ్లో జియో ఈ-సిమ్ను ఇన్సర్ట్ చేసుకోవచ్చు. దీని వల్ల యూజర్లు తమ వెంట స్మార్ట్ఫోన్ తీసుకెళ్లకున్నా అన్లిమిటెడ్ కనెక్టివిటీని పొందవచ్చు. అది ఎలా అంటే, ఈ బోట్ స్మార్ట్వాచ్తో జియో ఈ-సిమ్ను కనెక్ట్ చేసుకుని.. కాల్ చేయవచ్చు లేదా రిసీవ్ చేసుకోవచ్చు. మెసేజ్లను కూడా ఎక్స్ఛేంజ్ చేసుకోవచ్చు. మరీ ముఖ్యంగా బ్యాటరీ లైఫ్ గురించి, సిగ్నెల్ స్ట్రెంగ్త్ గురించి ఆలోచించాల్సిన అవసరం ఉండదు. కనుక ఈ స్మార్ట్వాచ్ కచ్చితంగా ఒక గేమ్ ఛేంజర్ అవుతుంది' అని బోట్ కంపెనీ చెబుతోంది.
బోట్ లూనార్ ప్రో ఎల్టీఈ స్పెక్స్
Boat Lunar Pro LTE Specifications :
- బ్లూటూత్ వెర్షన్ - V5.2
- కాలింగ్ - ఈ-సిమ్ సెల్యూలార్ (జియో & ఎయిర్టెల్ సిమ్లను మాత్రమే సపోర్ట్ చేస్తుంది. అది కూడా 4జీ నెట్వర్క్కు మాత్రమే.)
- వర్కింగ్ టైమ్ - 5 రోజుల వరకు పనిచేస్తుంది.
- స్టాండ్ బై టైమ్ - 30 రోజులు
- స్క్రీన్ టైప్ - అమోలెడ్
- స్క్రీన్ సైజ్ - 1.39 అంగుళాలు
- బ్యాటరీ కపాసిటీ - 577 mAh
- వాటర్ రెసిస్టెన్స్ - ఐపీ68
- సెన్సార్స్ - హార్ట్ రేట్ సెన్సార్, బ్లడ్-ఆక్సిజన్ సెన్సార్, బిల్ట్-ఇన్ జీపీఎస్
- స్పోర్ట్స్ మోడ్స్ - 100+ స్పోర్ట్స్ మోడ్స్ దీనిలో ఉన్నాయి.
- ఫీచర్స్ - బ్లూటూత్ కాలింగ్, యాప్ నోటిఫికేషన్స్
- ఆండ్రాయిడ్ & ఐవోఎస్ వెర్షన్ - ఆండ్రాయిడ్ 7 అండ్ అబౌవ్ & ఐవోఎస్ 12.0 అండ్ అబౌవ్
స్పోర్ట్స్ సెన్సార్స్!
Boat Lunar Pro LTE Sports Sensors : ఈ బోట్ లూనార్ ప్రో ఎల్టీఈ స్మార్ట్వాచ్లో బిల్ట్-ఇన్ జీపీఎస్ సిస్టమ్ ఉండడం వల్ల మీరు పయనించిన రూట్ను ఈజీగా ట్రాక్ చేసుకోవచ్చు. ఈ స్మార్ట్వాచ్లో 100కు పైగా స్పోర్ట్స్ మోడ్లు ఉంటాయి. కనుక రన్నింగ్, సైక్లింగ్, హైకింగ్ లాంటి యాక్టివిటీస్ను కూడా చాలా చక్కగా ట్రాక్ చేసుకోవచ్చు.
హెల్త్ మోనటరింగ్ టూల్స్!
Boat Lunar Pro LTE Health Monitoring Tools : ఈ బోట్ స్మార్ట్వాచ్లో హార్ట్ రేట్, బ్లడ్-ఆక్సిజన్ మోనిటర్, స్లీప్ ట్రాకర్, ఫిట్నెస్ ట్రాకర్ లాంటి చాలా హెల్త్ మోనటరింగ్ టూల్స్ ఉంటాయి. హెల్త్, ఫిట్నెస్ ఫ్రీక్స్కు ఇవి ఎంతగానో ఉపయోగపడతాయి.
Boat Lunar Pro LTE Price : బోట్ కంపెనీ ఈ నయా లూనార్ ప్రో ఎల్టీఈ స్మార్ట్వాచ్ ధరను వెల్లడించలేదు. అయితే మరికొన్ని వారాల్లోనే దీనిని సేల్కు తెచ్చే అవకాశం ఉంది.
మీ ఆండ్రాయిడ్ ఫోన్ బ్యాటరీ లైఫ్ పెరగాలా? ఈ 14 సూపర్ టిప్స్ పాటిస్తే చాలు!
అదిరే ఫీచర్లతో రెడ్మీ 13సీ 5జీ స్మార్ట్ఫోన్ లాంఛ్ - ధర ఎంతంటే?
