ఎంతో మంది ఆహార ప్రియులకు బిర్యానీ ఫేవరెట్ ఫుడ్. దీనికి తోడు ఫ్రై పీస్తో చేసిన బిర్యానీ అంటే ఎంచక్కా లాగించేస్తున్నారు. అయితే ప్రస్తుతం మిక్స్డ్ ఫ్రైడ్ బిర్యానీలు ట్రెండ్గా మారాయి. ఒకే దానిలో మూడు రకాల నాన్వెజ్లు దొరకడం వల్ల యువత, ఫ్యామిలీ.. ప్రతిఒక్కరూ దీనికే ఆకర్షితులవుతున్నారు. అయితే దీన్ని ఇంట్లోనే ఎంతో టేస్టీగా చేసుకోవచ్చు. ఎలా తయారుచేసుకోవాలనేది ఓ సారి చూద్దాం.
మిక్స్డ్ ఫ్రైడ్ బిర్యానీ తయారీ విధానం..
ముందుగా ఒక బౌల్లో నిమ్మరసం, అల్లం వెల్లుల్లి ముద్ద, పసుపు, గరం మసాలా, కారం, ఉప్పు, జీలకర్ర పొడి, ధనియాల పొడి, బియ్యం పొడి, కోడిగుడ్డు, కొంచెం నీళ్లు పోసి కలుపుకోవాలి. ఇలా కలుపుకున్న మసాలాను చికెన్ ముక్కలకు, అలాగే మటన్ ఖీమాకు, రొయ్యలకు.. వేరువేరుగా పట్టించుకొని పక్కన పెట్టుకోవాలి. తరువాత ఒక పాన్లో నూనె పోసుకొని అలాగే కొద్దిగా నెయ్యి వేసుకొని వేడెక్కిన తరువాత కొన్ని మిరియాలు, లవంగాలు, బిర్యానీ పువ్వు, మరాఠీమొగ్గ, అనాసపువ్వు, ఇలాచి, బిర్యానీ ఆకు, దాల్చిన చెక్క, ఉల్లిపాయ ముక్కలు, పచ్చిమిర్చి వేసి కలర్ వచ్చిన తరువాత అందులో కొంచెం ఉప్పు, అల్లం వెల్లుల్లి ముద్ద, కరివేపాకు, పుదీన, కొత్తమేర, పెరుగు వేసి కలుపుకొని అందులో సరిపడా నీళ్లు పోసి నానబెట్టుకున్న బాస్మతి బియ్యం వేసి మూతపెట్టి ఉడికించుకోవాలి. అలాగే డీప్ ఫ్రై కోసం ఆయిల్ వేడి చేసుకొని అందులో ముందుగా మారినేట్ చేసి పెట్టుకున్న చికెన్ ముక్కలు, మటన్ ఖీమా, అలాగే ప్రాన్స్ మూడు ఫ్రై చేసుకొని ప్లేట్లోకి తీసి పక్కన పెట్టుకోవాలి. ఇప్పుడు ఒక బౌల్లో తయారు చేసుకొన్న పులావ్ని ఫస్ట్ పెట్టుకొని పై నుంచి చికెన్ ముక్కలు, మటన్ఖీమా ఉండలు, రొయ్యలు, ఉడికించుకున్న కోడిగుడ్డుతో సర్వ్ చేసుకుంటే మిక్స్డ్ ఫ్రైడ్ బిర్యానీ రెడీ అవుతుంది.
- " class="align-text-top noRightClick twitterSection" data="">
మిక్స్డ్ ఫ్రైడ్ బిర్యానీ తయారీకి కావాల్సిన పదార్థాలు..
- నిమ్మరసం
- అల్లం వెల్లుల్లి పేస్ట్
- పసుపు
- గరం మసాలా
- కారం
- ఉప్పు
- జీరా పొడి
- ధనియాల పొడి
- బియ్యపు పిండి
- కోడిగుడ్డు
- చికెన్ ముక్కలు
- మటన్ ఖీమా
- రొయ్యలు
- నూనె
- మిరియాలు
- లవంగాలు
- బిర్యానీ పువ్వు
- మరాఠీమొగ్గ
- యాలకలు
- బిర్యానీ ఆకు
- దాల్చిన చెక్క
- అనాసపువ్వు
- పచ్చిమిర్చి
- ఉల్లిపాయలు
- పుదీనా
- కొత్తిమేర
- ఉప్పు
- పెరుగు
- నీళ్లు
- నానబెట్టుకున్న బాస్మతీ బియ్యం
ఇదీ చూడండి: సండే స్పెషల్ 'మండీ' బిర్యానీని ఇంట్లో చేసుకోండిలా.
