మేడ్చల్ జిల్లా కీసరలో రేవ్ పార్టీ కలకలం రేపింది. ఓ ఫెర్టిలైజర్ వ్యాపారి ఫామ్ హౌస్లో పలువురు వ్యక్తులు అమ్మాయిలతో చిందులేశారు. సమాచారం తెలుసుకున్న పోలీసులు ఫామ్ హౌస్కు చేరుకుని పార్టీలో పాల్గొన్న బేస్ర్ క్రాప్ సీడ్స్ కంపెనీ మేనేజర్ను, 10 మంది అబ్బాయిలు, ఆరుగురు అమ్మాయిలు, సిద్దిపేట, వరంగల్, నల్గొండ, గజ్వేల్కు చెందిన సీడ్స్ డీలర్లను అరెస్టు చేశారు.
పాశ్చాత్య సంస్కృతి పేరిట అసాంఘిక కార్యకలాపాలకు పాల్పడుతున్న వారిపై కఠిన చర్యలు తీసుకుంటామని పోలీసులు పదేపదే హెచ్చరిస్తున్నా.. ఇలాంటి ఘటనలు చోటుచేసుకోవడం విస్మయానికి గురిచేస్తోంది.
