Woman Secretly Pokes Hole in Partner Condom: ఆ ఇద్దరూ రిలేషన్లో ఉన్నారు. సాఫీగా సాగిపోతున్న జీవితం.. ఆ ఒక్క దురాలోచనతో ఊహించని మలుపులు తిరిగింది. తన ప్రియుడి కండోమ్కు రంధ్రాలు చేసి.. చిక్కుల్లో పడింది ఓ మహిళ. సెక్స్ చేస్తున్న సమయంలో అతడికి తెలియకుండా.. ఈ చర్యకు పాల్పడింది. ఇప్పుడు జైల్లో ఊచలు లెక్కపెడుతోంది. పశ్చిమ జర్మనీలోని బీల్ఫెల్డ్లో ఈ ఘటన వెలుగుచూసింది.
ఇదీ జరిగింది: 39 ఏళ్ల ఓ మహిళ.. 42 ఏళ్ల వ్యక్తితో సహజీవనం చేస్తోంది. ఇద్దరికీ గతేడాది ఆన్లైన్లో పరిచయమైంది. ప్రేమ చిగురించింది. శారీరక సంబంధం కూడా పెట్టుకున్నారు. అయితే తర్వాత పరిస్థితులు మారిపోయాయి. అతడి పట్ల విపరీతమైన ప్రేమను పెంచుకున్న మహిళ.. ఆ వ్యక్తి తనను పెళ్లి చేసుకోడని భావించింది. అప్పుడే ఓ ప్లాన్ వేసింది. గర్భం దాలిస్తే ఎలాగైనా తననే పెళ్లి చేసుకుంటాడు కదా అనుకుంది. సెక్స్ సమయంలో అతడికి తెలియకుండా కండోమ్కు రంధ్రాలు చేసింది. ఆ తర్వాత అతడికి మెసేజ్ చేసింది. 'నేను ప్రెగ్నెంట్నని అనిపిస్తోంది. కండోమ్ను ఉద్దేశపూర్వకంగా పాడుచేశాను.' అని చెప్పింది.
ఇది విన్న ప్రియుడు కోర్టుకు వెళ్లాడు. ఆమెపై నేరారోపణలు మోపాడు. అతడి అభ్యర్థనను పరిశీలించిన జర్మన్ కోర్టు.. ఆ మహిళ 'స్టెల్తింగ్' నేరానికి పాల్పడినట్లు పేర్కొంది. ఇది లైంగిక దాడి కిందికే వస్తుందని.. ఆ మహిళకు 6 నెలల జైలు శిక్ష విధించింది. ఒక వ్యక్తి తన భాగస్వామికి తెలియకుండా లైంగిక చర్య సమయంలో.. తన కండోమ్ను రహస్యంగా తీసివేస్తే దానిని 'స్టెల్తింగ్'గా పరిగణిస్తారు. జర్మనీలో వెలుగుచూసిన ఈ కేసును చారిత్రకంగా అభివర్ణిస్తున్నారు. తొలిసారి ఓ మహిళ స్టెల్తింగ్కు పాల్పడటమే ఇందుకు కారణం.
ఇవీ చూడండి: చైనాలో లాక్‌డౌన్‌ దారుణాలు: క్రూరంగా కొవిడ్‌ టెస్టులు.. ఇంట్లోనే బంధిస్తూ..!
