విషవాయువులు లీక్.. 13 మంది మృతి.. 251 మందికి అస్వస్థత

Jordan poisonous gas leak: జోర్డాన్​లో దారుణం జరిగింది. ఓ ట్యాంకర్​లోని విషవాయువు లీకై 13 మంది చనిపోయారు. 251 మంది అస్వస్థతకు గురయ్యారు.

Gas leak in Jordan: జోర్డాన్​లో విషవాయువులు లీకై 13 మంది ప్రాణాలు కోల్పోయారు. దక్షిణాన ఉన్న అకాబా నగరంలో ఈ దుర్ఘటన జరిగింది. సుమారు 251 మంది అస్వస్థతకు గురయ్యారని అధికారులు తెలిపారు. గ్యాస్​ ట్యాంకును రవాణా చేస్తుండగా ప్రమాదవశాత్తు లీక్ అయిందని జోర్డాన్ పబ్లిక్ సెక్యూరిటీ డైరెక్టరేట్ వెల్లడించింది. ట్యాంకర్​లో ఏముందనేది ఇంకా తేలలేదని పేర్కొంది. ఘటనాస్థలాన్ని అధికారులు సీల్ చేశారని.. క్షతగాత్రులను ఆస్పత్రులకు తరలిస్తున్నారని వివరించింది. గ్యాస్​ లీక్​పై దర్యాప్తు జరిపేందుకు నిపుణులను రంగంలోకి దించిందని పేర్కొంది.

ఇదీ చదవండి:

• లంకలో అందరికీ వర్క్ ఫ్రం హోం.. స్కూళ్లు బంద్​