Mexico bar shooting : మెక్సికోలో కాల్పులు కలకలం రేపాయి. ఇరాపువాటో నగరంలోని ఓ బార్లో దుండగులు కాల్పులు జరిపారు. ఈ ఘటనలో 12 మంది ప్రాణాలు కోల్పోయారు. మరో ముగ్గురు గాయపడ్డారు. వెంటనే భద్రతా బలగాలు ఘటనాస్థలికి చేరుకుని ముగ్గురు క్షతగాత్రుల్ని ఆస్పత్రికి తరలించాయి. మృతుల్లో ఆరుగురు మహిళలు, ఆరుగురు పురుషులు ఉన్నట్లు అధికారులు గుర్తించారు. నిందితుల కోసం భద్రతా బలగాలు గాలింపు చర్యలు చేపడుతున్నాయని తెలిపారు.
అంతకుముందు అక్టోబరు 6న నైరుతి మెక్సికోలోని గుర్రెరోలో దుండగులు జరిపిన కాల్పుల్లో నగర మేయర్ సహా 18 మంది ప్రాణాలు కోల్పోయారు.
ఇవీ చదవండి: జోరుగా ఆయుధాల కొనుగోళ్లు- అమెరికాకు లాభాల పంట
నిరసనల మధ్యే జిన్పింగ్కు మూడోసారి పట్టం.. సీపీసీ మహాసభలు షురూ
