కేంద్రం తీసుకొచ్చిన వ్యవసాయ చట్టాలకు వ్యతిరేకంగా రైతులు చేపట్టిన ఆందోళనలపై వెంటనే భారత్తో చర్చించాలని 36 మంది బ్రిటన్ ఎంపీలు ఆ దేశ విదేశాంగ శాఖ కార్యదర్శికి లేఖ రాశారు. ఇందులో భారత్ సంతతికి చెందిన వారూ ఉన్నారు. లేబర్పార్టీకి చెందిన ఎంపీ తన్మంజిత్ సింగ్ థేసీ నేతృత్వంలో వీరంతా సంతకాలు చేశారు. పంజాబ్లో రోజురోజుకూ దిగజారుతున్న పరిస్థితిని మోదీ ప్రభుత్వానికి వివరించేందుకు అత్యవసర సమావేశం ఏర్పాటు చేయాలన్నారు. వ్యవసాయ, అనుబంధ రంగాల వారికి నష్టం చేకూర్చే విధంగా ఉన్న చట్టాలకు వ్యతిరేకంగా భారత్పై ఒత్తిడి తేవాలని కోరారు.
గత నెలలో కొత్త వ్యవసాయ చట్టాలపై ఆందోళన వ్యక్తం చేస్తూ.. పలువురు ఎంపీలు భారత హై కమిషన్కు లేఖ రాసినట్లు రాబ్కు వివరించారు. పంజాబ్ రాష్ట్ర ఆర్థిక వ్యవస్థలో రైతులే కీలకం అని తెలిపారు. ఇదీ కేవలం భారత్కు మాత్రమే సంబంధించిన అంశం కాదని.. బ్రిటన్, విదేశాల్లోని సిక్కులందరిపై దీని ప్రభావం ఉంటుందని లేఖలో పేర్కొన్నారు.
ఇప్పటికే రైతుల అంశంలో కెనడా నాయకులు చేసిన వ్యాఖ్యలపై స్పందించిన భారత విదేశాంగ శాఖ.. భారత్ లాంటి ప్రజాస్వామ్య దేశంలోని అంతర్గత వ్యవహారాల్లో విదేశీ నాయకుల జోక్యం మంచిది కాదని స్పష్టం చేసింది.
