అమెరికా అధ్యక్ష ఎన్నికల ఫలితాలు రసవత్తరంగా మారిన వేళ.. ఇప్పుడు అందరి చూపు 'స్వింగ్' స్టేట్స్పైన పడింది. ఈ రాష్ట్రాలే.. తదుపరి అధ్యక్షుడిని నిర్దేశించనున్నట్టు నిపుణులు చెబుతున్నారు. పలు రాష్ట్రాల్లో ఇప్పటికే ఫలితాలు వెలువడగా.. మరికొన్నిటిలో ఓట్ల లెక్కింపు ప్రక్రియ కొనసాగుతోంది. మరి ఆయా రాష్ట్రాల్లో గెలిచిందెవరు?
ఆరిజోనా
ఆరిజోనా(11 ఎలక్టోరల్ ఓట్లు) జో బైడెన్కు దక్కింది. రిపబ్లికన్లకు పట్టు ఉన్న ఈ రాష్ట్రం ఇప్పుడు డెమొక్రాట్ల చెంతకు చేరింది.
ఫ్లోరిడా..
హోరాహోరీ పోరు సాగిన రాష్ట్రాల్లో ఫ్లోరిడా(29) ఒకటి. చివరకు డొనాల్డ్ ట్రంప్ ఇక్కడ గెలుపొందారు. 2016లోనూ ట్రంప్ గెలుపులో ఫ్లోరిడా కీలక పాత్ర పోషించింది.
అయోవా...
అయోవా(6)ను మరోమారు ట్రంప్ సొంతం చేసుకున్నారు. 2016 వరకు డెమొక్రాట్లకు కంచుకోట అయిన అయోవాలో ట్రంప్ వరుసగా రెండోసారి విజయం సాధించారు.
నెవాడా..
నెవాడా(6)లో మరోమారు డెమొక్రాట్లదే ఆధిక్యం. గత ఎన్నికల్లో హిల్లరీకి ఓటేసిన ప్రజలు ఇప్పుడు బైడెన్కే మద్దతు పలికారు.
న్యూ హ్యాంప్షైర్..
స్వింగ్ రాష్ట్రాల్లో కీలకమైన న్యూ హ్యాంప్షైర్(4)ను బైడెన్ దక్కించుకున్నారు. ట్రంప్పై భారీ ఓట్లతో బైడెన్ గెలుపొందినట్టు తెలుస్తోంది.
ఒహాయో..
ఎలక్టోరల్ ఓట్ల పరంగా అత్యంత కీలక రాష్ట్రమైన ఒహాయో(18)లో డొనాల్డ్ ట్రంప్ గెలుపొందారు. 2016లోనూ ఇక్కడ ట్రంప్.. రిపబ్లికన్ జెండా ఎగరేశారు.
మిన్నెసొటా..
మిన్నెసొటా(10)లో జోబైడెన్ గెలిచారు. ఈ ప్రాంతంలోని ఆఫ్రో అమెరికన్లు బైడెన్వైపే మొగ్గుచూపినట్టు కనపడుతోంది.
- విస్కాన్సిన్(10), నార్త్ కరోలినా(15), పెన్సిల్వేనియా(20), మిషిగన్(16), జార్జియా(16)లో ఫలితాలు ఇంకా వెలువడాల్సి ఉంది. విస్కాన్సిన్ మినహా ఇతర రాష్ట్రాల్లో ట్రంప్ ముందంజలో ఉన్నట్టు తెలుస్తోంది.
ఇవీ చూడండి:-
