ఇందులో.. అందమైన నగరం.. ఆ సిటీలో ఓ చిన్న కుటుంబం.. ఎలాంటి చింతలు లేకుండా సంతోషంగా సాగుతోన్న వారి జీవితాలు లాక్‌డౌన్‌ కారణంగా ఛిద్రమయ్యాయి. వైద్యుడైన తండ్రి కరోనా విధుల్లో భాగంగా ఆస్పత్రికే పరిమితం కావడం, తల్లి వర్క్‌ ఫ్రమ్‌ హోమ్‌లో బిజీగా ఉండటంతో ఆ ఇంటి అమ్మాయి స్పిరిట్‌ గేమ్‌ ఆడి ఇంటిల్లిపాదిని ప్రమాదంలోకి నెట్టేసింది. ఇంతకీ ఆ అమ్మాయి స్పిరిట్‌ గేమ్‌ ఎందుకు ఆడింది? ఆ అమ్మాయి ఒంట్లోకి ప్రవేశించిన ఆత్మను బయటకు పంపించేందుకు ఇంట్లోవాళ్లు ఏం చేశారు? ఇలాంటి ఆసక్తికర అంశాలతో రూపుదిద్దుకున్న చిత్రమే 'కనెక్ట్'. ఇందులో లేడీ సూపర్‌ స్టార్ నయనతార ప్రధాన పాత్ర పోషించారు. అశ్విన్‌ శరవణన్‌ దర్శకత్వం వహించిన ఈ చిత్రాన్ని రౌడీ పిక్చర్స్‌ బ్యానర్‌పై నయన్‌ స్వయంగా నిర్మించింది. తెలుగులో ప్రముఖ నిర్మాణ సంస్థ యూవీ క్రియేషన్స్‌ ఈ చిత్రాన్ని విడుదల చేయనున్నారు. ఈ నేపథ్యంలో ఈ చిత్ర ట్రైలర్ను పాన్ ఇండియా స్టార్ ప్రభాస్ విడుదల చేశారు.
వివాహం తర్వాత నయనతార ప్రధాన పాత్రలో నటించిన చిత్రమిది. సత్యరాజ్‌, అనుపమ్‌ ఖేర్‌ కీలకపాత్రలు పోషించారు. ఇందులో తల్లిగా నయన్‌ నటన ఆకట్టుకునేలా ఉంది. ఆత్మలతో మాట్లాడాలనే ఆసక్తి ఉన్న అమ్మాయిగా నాఫియా అదరగొట్టేశారు. ప్రస్తుతం ఈ ట్రైలర్ నెట్టింట సినీ ప్రియులను ఆకట్టుకుంటోంది. హాలీవుడ్‌లో వచ్చిన క్రైమ్‌ థ్రిల్లర్లను తలపించేలా ట్రైలర్ ఉందని నెటిజన్లు కామెంట్స్‌ పెడుతున్నారు. డిసెంబర్‌ 22న ఇది విడుదల కానుంది.
- " class="align-text-top noRightClick twitterSection" data="">
ఇదీ చూడండి: భర్తతో కలిసి హాలిడేను ఎంజాయ్ చేస్తున్న మౌనీరాయ్ ఫొటో షూట్లతో బిజీబిజీగా జాన్వీ
